News October 19, 2024
మదనపల్లె: పెళ్లి కాకుండానే బిడ్డకు జన్మనిచ్చిన యువతి
అన్నమయ్య జిల్లాలో అమానుష ఘటన జరిగింది. పెళ్లికాని యువతి శనివారం ఉదయం పండంటి బిడ్డకు జన్మనిచ్చింది. మదనపల్లె సర్వజన బోధనాస్పత్రిలో వెలుగు చూసిన ఘటనపై వివరాలు.. గుర్రంకొండ మండలంలోని ఓ గ్రామానికి చెందిన ఓ యువతి ప్రియుడి చేతిలో మోసపోయింది. గర్భం దాల్చడంతో ప్రియుడు పెళ్లికి నిరాకరించాడు. చేసేదిలేక ఆ యువతి నెలలు నిండి ప్రసవ నొప్పులతో మదనపల్లె సర్వజన బోధన ఆసుపత్రిలో చేరి పండంటి ఆడబిడ్డకు జన్మనిచ్చింది.
Similar News
News November 29, 2025
కుప్పం హైవే విస్తరణకు ఏకంగా రూ.15 వందల కోట్లు
పలమనేరు నుంచి కుప్పం మీదుగా ఆంధ్ర బార్డర్ వరకు సుమారు 84 కిలోమీటర్ల మేర జాతీయ రహదారి విస్తరణకు కేంద్రం గ్రీన్ సిగ్నల్ ఇస్తూ రూ.1500 కోట్లు మంజూరు చేసినట్లు తెలుస్తోంది. ప్రస్తుతం ఉన్న రెండు లైన్ల రోడ్డును నాలుగు లైన్ల రోడ్డుగా మార్చడంతో పాటు బైపాస్ రోడ్ల నిర్మాణం, కల్వర్టులు, ఫ్లై ఓవర్ నిర్మాణానికి సంబంధించి నిధులు మంజూరు అయ్యాయట. కాగా దీనికి సంబంధించి డీపీఆర్ సైతం సిద్ధమవుతున్నట్లు తెలుస్తోంది.
News November 29, 2025
చిత్తూరు: జర్నలిస్టుల అక్రిడేషన్ గడువు పెంపు
జిల్లా వ్యాప్తంగా పనిచేస్తున్న వర్కింగ్ జర్నలిస్టుల అక్రిడిటేషన్ గడువును మరో రెండు నెలలు పొడిగించారని కలెక్టర్ సుమిత్ కుమార్ తెలిపారు. జర్నలిస్టుల అక్రిడిటేషన్ గడువును డిసెంబర్ 1 నుంచి జనవరి 31వ తేదీ వరకు పొడగించినట్లు తెలిపారు. మీడియా సంస్థల యాజమాన్యాలు జర్నలిస్టుల వివరాల నివేదికను కలెక్టరేట్లోని సమాచార శాఖకు అందజేయాలని కలెక్టర్ సూచించారు.
News November 29, 2025
చిత్తూరు: జీతాలు బంద్ చేసింది వీరికే.!
ఉపాధి హామీలు కూలీలకు పనులు కల్పించకుండా నిర్లక్ష్యం వహించిన 38 మంది ఫీల్డ్ అసిస్టెంట్లకు వేతనాలను ఆపిన విషయం తెలిసిందే. వారి వివరాలు: గుడిపాల-2, పాలసముద్రం-1 తవణంపల్లె-4, యాదమరి -2, బైరెడ్డిపల్లె-4, గుడిపల్లె-3, కుప్పం-1, నిండ్ర-4, విజయపురం-1, బంగారుపాళ్యం-1, చౌడేపల్లె-4, పుంగనూరు-1, ఐరాల-1, పులిచెర్ల-5, సదుం-4 మంది ఫీల్డ్ అసిస్టెంట్లకు నోటీసులు జారీచేశారు.