News July 13, 2024
మదనపల్లె: వేడి నీళ్లు మీద పడి చిన్నారికి గాయాలు

వేడి నీళ్లు ఒంటి మీద పడి ఓ చిన్నారి తీవ్రంగా గాయపడిన ఘటన శుక్రవారం మదనపల్లె మండలంలో జరిగింది. కోళ్లబైలు పంచాయతీ మేకలవారిపల్లెకు చెందిన శివ, సుగుణ దంపతుల కుమార్తె నాన్విక(3) ఇంట్లో ఆడుకుంటూ ఉండగా.. స్టవ్ దగ్గరకు వెళ్లింది స్నానం చేయించడానికి సిద్ధంచేసిన వేడినీళ్లు ప్రమాదవశాత్తు మీదపడి చిన్నారి తీవ్రంగా గాయపడింది. గమనించిన కుటుంబసభ్యులు చిన్నారిని వెంటనే జిల్లా ప్రభుత్వ ఆస్పత్రికి తరలించారు.
Similar News
News November 29, 2025
CITU చిత్తూరు జిల్లా అధ్యక్షుడిగా విజయ

పలమనేరులో రెండు రోజులపాటు జరిగిన సీఐటీయూ జిల్లా మహాసభలో శనివారం ముగిశాయి. జిల్లా నూతన కార్యవర్గాన్ని ఏకగ్రీవంగా ఎన్నుకున్నారు. CITU జిల్లా అధ్యక్షుడిగా కె.విజయ, ప్రధాన కార్యదర్శిగా గిరిధర్ గుప్త, కోశాధికారిగా జ్యోతిరావు, ఉపాధ్యక్షులుగా వాడ గంగరాజు, గంగ, మమత, షకీలా ఎన్నికయ్యారు. వీరితో పాటు 15 మందిని నూతన కార్యవర్గంగా ఎన్నుకున్నారు.
News November 29, 2025
చిత్తూరు: ప్రియుడితో కలిసి భర్తను చంపడానికి ప్లాన్

ప్రియుడితో కలిసి భర్తను చంపడానికి ప్రయత్నించిన కేసులో భార్య, ఆమె ప్రియుడిని అరెస్ట్ చేసినట్లు పలమనేరు ఎస్ఐ స్వర్ణతేజ తెలిపారు. కోతిగుట్టకు చెందిన వెంకటేశులు భార్య శిల్ప తన ప్రియుడు వెంకటేశ్తో కలిసి భర్తపై వేడి నూనె పోసి హత్యాయత్నం చేశారు. 5నెలలుగా పరారీలో ఉన్న ఇద్దరిని శనివారం అరెస్ట్ చేసినట్లు ఆమె తెలిపారు. వెంకటేశులు ఆర్మీలో పని చేయడం గమనార్హం.
News November 29, 2025
పుంగనూరు: భారీగా పడిపోయిన టమాటా ధరలు

గత కొద్దిరోజులుగా పెరిగిన టమాటా ధరలు తగ్గుముఖం పట్టాయి. మూడు రోజుల కింద గరిష్ఠంగా కేజీకి రూ.50 లభించింది. పుంగనూరులో శనివారం మొదటి రకం 10 కేజీల బాక్స్ రూ.267, పలమనేరులో రూ.340, వి.కోటలో రూ.330 చొప్పున పలికింది. కలికిరిలో రూ.310, మదనపల్లెలో రూ.350 చొప్పున రైతుల నుంచి టమాటా కొనుగోలు చేశారు.


