News June 14, 2024
మరోసారి కోటంరెడ్డికే ఆ పదవి ఇస్తారా..?
నెల్లూరుకు చెందిన ఆర్యవైశ్య నేత ముక్కాల ద్వారకానాథ్ తన నెల్లూరు అర్బన్ డెవలప్మెంట్(నుడా) ఛైర్మన్ పదవికి ఇటీవల రాజీనామా చేశారు. ప్రభుత్వం నిన్న ఆయన రాజీనామాను ఆమోదించింది. గతంలో టీడీపీ అధికారంలో ఉన్నప్పుడు కోటంరెడ్డి శ్రీనివాసులు రెడ్డి ఛైర్మన్గా పని చేశారు. మరి తాజా ప్రభుత్వంలో ఆయనకే అవకాశం వస్తుందా? కొత్తవారికి ఛాన్స్ ఇస్తారా అనేది తెలియాల్సి ఉంది.
Similar News
News September 16, 2024
నెల్లూరు :ప్రజా ఫిర్యాదుల పరిష్కార వేదిక రద్దు
నెల్లూరు జిల్లాలోని కలెక్టర్ కార్యాలయంలో సోమవారం జరగనున్న ప్రజా ఫిర్యాదుల పరిష్కార వేదిక నిర్వహించట్లేదని కలెక్టర్ ఆనంద్ ఒక ప్రకటన విడుదల చేశారు. మీలాద్ ఉన్ నబీ పండుగ సందర్భంగా సోమవారం అర్జీలు స్వీకరించలేమని పేర్కొన్నారు. జిల్లాలోని ప్రజలు, అర్జీదారులు గమనించవలసినదిగా ఆయన కోరారు. వచ్చే సోమవారం యధావిధిగా కార్యక్రమం జరుగుతుందని వెల్లడించారు.
News September 15, 2024
మనుబోలులో వినాయక ఉత్సవంలో అపశ్రుతి.. 30మందికి గాయాలు
మనుబోలు బీసీ కాలనీలో వినాయక ఉత్సవంలో ఇవాళ సాయంత్రం అపశ్రుతి చోటు చేసుకుంది. ఉత్సవం కోసం తెచ్చిన తారాజువ్వలపై నిప్పు రవ్వలు పడిన ఘటనలో సుమారు 30 మందికి గాయాలు అయ్యాయి. క్షతగాత్రులను గూడూరు ప్రభుత్వ వైద్యాశాలకు తరలించారు. ఘటనపై పూర్తి వివరాలు తెలియాల్సి ఉంది.
News September 15, 2024
నెల్లూరు: వినాయక నిమజ్జనంలో అపశ్రుతి
వినాయక నిమజ్జనం కార్యక్రమంలో అపశ్రుతి చోటుచేసుకుంది. గూడూరు మండలం చెన్నూరు గిరిజన కాలనీ వాసులు వినాయక విగ్రహాన్ని తూపిలిపాళెం సముద్రంలో నిమర్జనం చేసి తిరిగివస్తుండగా, వారు ప్రయాణిస్తున్న ట్రాక్టర్ చిల్లకూరు మండలం కడివేడు సమీపంలో అదుపుతప్పి బోల్తాకొట్టింది. ఈ ప్రమాదంలో ఐదుగురికి గాయాలు కాగా, క్షతగాత్రులను గూడూరు ఏరియా ఆసుపత్రికి తరలించి చికిత్స అందిస్తున్నారు.