News February 28, 2025
మల్దకల్: అమ్మా, నాన్న లేక అనాథలయ్యారు!
మల్దకల్ మండలం చర్లగార్లపాడులో అనారోగ్యంతో తల్లి, ఆర్థిక ఇబ్బందులతో తండ్రి మృతి చెందగా ముగ్గురు చిన్నారులు అనాథలయ్యారు. గ్రామస్థుల కథనం ప్రకారం.. కుమ్మరి వీరేశ్, భారతి కుండలు చేస్తూ జీవిస్తున్నారు. భారతి జనవరి 16న అనారోగ్యంతో మృతి చెందింది. భార్య లేని లోటు, ఆర్థిక ఇబ్బందులతో వీరేశ్ గురువారం ఆత్మహత్య చేసుకున్నాడు. చిన్నారులను ప్రభుత్వం ఆదుకోవాలని గ్రామస్థులు అంటున్నారు.
Similar News
News November 29, 2025
రోహిత్ శర్మ రికార్డు బ్రేక్ చేసిన మాత్రే
వరల్డ్ డొమెస్టిక్ క్రికెట్‌లో 3 ఫార్మాట్లలో (ఫస్ట్ క్లాస్, లిస్ట్-A, T20) సెంచరీ చేసిన యంగెస్ట్ క్రికెటర్‌గా ముంబై బ్యాటర్ ఆయుశ్ మాత్రే (18y 135d )రికార్డు నెలకొల్పారు. నిన్న SMATలో విదర్భపై 53 బంతుల్లోనే 110 రన్స్ సాధించి ఈ ఘనతను అందుకున్నారు. ఇప్పటివరకు ఈ రికార్డు రోహిత్ శర్మ (19y 339d) పేరిట ఉండేది. తర్వాతి స్థానాల్లో ఉన్ముక్త్ చంద్ (20y 0d), డికాక్ (20y 62d), అహ్మద్ షెహజాద్ (20y 97d) ఉన్నారు.
News November 29, 2025
వరంగల్: ఆ జీపీని చూసేందుకు ప్రపంచ దేశాలు పోటీపడతాయ్!
గ్రామాన్ని సందర్శించేందుకు ప్రపంచంలోని దేశాలు పోటీ పడతాయంటే నమ్ముతారా? అవును. ఇది నిజమే, వరంగల్ జిల్లా గీసుకొండ మండలంలోని గంగదేవిపల్లి గ్రామాన్ని చూసేందుకు వివిధ దేశాలు, మనదేశంలోని రాష్ట్రాలు పోటీ పడతాయి. గ్రామ పాలనలో మహిళల పాత్ర ముఖ్యంగా ఉండటం, ప్రజాప్రతినిధులుగా కొన్నేళ్లపాటు మహిళలే నడిపించడంతో ఆదర్శ గ్రామంగా నిలిచింది. ఈసారి జనరల్ మహిళకు కేటాయించడంతో గ్రామ సర్పంచ్ ఎన్నిక ఎలా ఉంటుందో చూడాలి.
News November 29, 2025
ఖమ్మం, భద్రాద్రి జిల్లాల్లో పంచాయతీ ఎన్నికలు.. NOC మస్ట్
ఉమ్మడి ఖమ్మం జిల్లాలో జరగనున్న గ్రామ పంచాయతీ ఎన్నికలకు నామినేషన్లు దాఖలు చేసే అభ్యర్థులకు పన్ను బకాయిలు ఉండకూడదనే నిబంధనను అధికారులు విధించారు. దీంతో సర్పంచ్, వార్డు సభ్యుల ఆశావహులు తమ నామినేషన్లు తిరస్కరణకు గురి కాకుండా ఉండేందుకు జాగ్రత్త పడుతున్నారు. వీరు హడావుడిగా తమ ఇంటి, నీటి పన్నులు చెల్లించి, సంబంధిత అధికారుల నుంచి నో డ్యూస్ సర్టిఫికెట్ (NOC), రసీదులను తీసుకునే పనిలో నిమగ్నమయ్యారు.