News January 7, 2025

మహబూబ్‌నగర్: ప్రయోగ పరీక్షల పర్యవేక్షణకు సీసీ కెమెరాలు

ఉమ్మడి పాలమూరు జిల్లాలో మొత్తం 59 ప్రభుత్వ జూనియర్ కళాశాలలు ఉన్నాయి. వచ్చేనెల జరిగే ప్రయోగ పరీక్షల నిర్వహణకు ప్రతి కళాశాలకు రూ.25 వేల చొప్పున నిధులు మంజూరు చేశారు. వీటితో రసాయనాలు, పరికరాలను కొనుగోలు చేయనున్నారు. సీసీ కెమెరాల ఏర్పాటుకు రూ.12 వేల చొప్పున కళాశాలకు కేటాయించారు. ప్రయోగ పరీక్షలను పర్యవేక్షించేందుకు ఉన్నతాధికారుల ఆదేశాలతో సీసీ కెమెరాలు ఏర్పాటు చేస్తున్నామని అధికారులు తెలిపారు.