News April 7, 2025
మహా సూర్య వందనం ఏర్పాట్లు పూర్తి: కలెక్టర్
మహా సూర్య వందనం ఏర్పాట్లు పూర్తయ్యాయని కలెక్టర్ దినేశ్ కుమార్ తెలిపారు. అరకు ప్రభుత్వ డిగ్రీ కళాశాల మైదానంలో నిర్వహించనున్న మహా సూర్య వందనం కార్యక్రమం ఏర్పాట్లను ఆదివారం పరిశీలించారు. విద్యార్థులు వివిధ పాఠశాలల వసతి గృహాల నుంచి బస్సులలో వేదిక వద్దకు తరలించడం జరుగుతుందన్నారు. అలాగే తిరిగి వేదిక నుంచి వసతి గృహాలకు క్షేమంగా సురక్షితంగా తరలించడానికి అన్ని జాగ్రత్త చర్యలు తీసుకోవడం జరిగిందని తెలిపారు.
Similar News
News November 30, 2025
కలెక్టరేట్‌లో ప్రజా సమస్యల పరిష్కార వేదిక: కలెక్టర్
డిసెంబర్ 1వ తేదీ సోమవారం కలెక్టరేట్‌లోని పింగళి వెంకయ్య సమావేశ మందిరంలో ప్రజా సమస్యల పరిష్కార వేదిక కార్యక్రమం ద్వారా ప్రజల నుంచి వినతులు స్వీకరించడం జరుగుతుందని జిల్లా కలెక్టర్ డా. జి.లక్ష్మీశా ఒక ప్రకటనలో తెలిపారు. ప్రభుత్వ ఆదేశాల మేరకు ప్రజా సమస్యల పరిష్కారానికి పీజీఆర్ఎస్ ద్వారా అర్జీల స్వీకరణ చేపట్టనున్నట్లు ఆయన వివరించారు.
News November 30, 2025
ALERT.. రేపు అతిభారీ వర్షాలు
AP: రాష్ట్రంలో రేపు నెల్లూరు, తిరుపతిలో భారీ నుంచి అతిభారీ వర్షాలు కురుస్తాయని APSDMA ఎండీ ప్రఖర్ జైన్ తెలిపారు. కోనసీమ, ప.గో., కృష్ణా, గుంటూరు, బాపట్ల, పల్నాడు, ప్రకాశం, కడప, అన్నమయ్య, చిత్తూరు జిల్లాల్లో మోస్తరు నుంచి భారీ వర్షాలు పడతాయన్నారు. అటు కాకినాడ, తూ.గో., ఏలూరు, NTR, కర్నూలు, నంద్యాల, శ్రీసత్యసాయి, అనంతపురంలో తేలికపాటి నుంచి మోస్తరు వర్షాలు కురిసే ఛాన్స్ ఉంది’ అని పేర్కొన్నారు.
News November 30, 2025
VKB: కరీంపూర్ పంచాయతీ కార్యదర్శి సస్పెండ్
వికారాబాద్ జిల్లా కోటపల్లి మండలంలోని కరీంపూర్ పంచాయతీ కార్యదర్శి ఖాజా హామీదుద్దీన్‌ను జిల్లా ఎన్నికల అధికారి, కలెక్టర్ ప్రతీక్ జైన్ సస్పెండ్ చేశారు. రెండవ సాధారణ పంచాయతీ ఎన్నికల్లో పంచాయతీ కార్యదర్శి విధుల పట్ల నిర్లక్ష్యంగా వ్యవహరించడంతో సస్పెండ్ చేసినట్లు తెలిపారు. జిల్లాలోని పంచాయతీ కార్యదర్శులు విధులు సక్రమంగా, సమర్థవంతంగా నిర్వహించాలని ఆదేశించారు.