News March 16, 2025
మహిళల ఆరోగ్యమే సమాజానికి ఆరోగ్యం: మంత్రి జూపల్లి
మహిళలు ఆరోగ్యంగా ఉన్నప్పుడే సమాజం ఆరోగ్యంగా, సుసంపన్నంగా ఉంటుందని మంత్రి జూపల్లి కృష్ణారావు అన్నారు. ఆదివారం అవ‌ని ఫౌండేష‌న్ ఆధ్వర్యంలో న‌వోద‌య కాల‌నీలోని (కూక‌ట్‌ప‌ల్లి) తుల‌సివ‌నం వ‌ద్ద 5K ర‌న్‌ను మంత్రి జెండా ఊపి ప్రారంభించారు. మహిళలు కుటుంబంతో పాటు తమ ఆరోగ్య విషయంలో కూడా జాగ్రత్తలు తీసుకోవాలని సూచించారు.
Similar News
News November 14, 2025
జూబ్లీహిల్స్: పడిపోయిన BJP ఓట్ల శాతం!
గత ఎన్నికతో పోల్చితే BJP ఓట్ల శాతం భారీగా తగ్గింది. 2023 అసెంబ్లీ ఎన్నికలో BJP అభ్యర్థి లంకల దీపక్ రెడ్డికి 14.11 శాతం అంటే 25,866 ఓట్లు వచ్చాయి. ఈ ఉపఎన్నికలోనూ BJP తరఫున లంకల దీపక్ రెడ్డే పోటీ చేయగా కేవలం 8.76 శాతం అంటే 17,061 ఓట్లు మాత్రమే పోలై డిపాజిట్ గల్లంతైంది. అంటే గత ఎన్నికతో పోల్చితే 8,805 ఓట్లు తగ్గాయి. కాగా రెండు సార్లు BJP మూడో స్థానానికే పరిమితమవడం గమనార్హం.
News November 14, 2025
జూబ్లీహిల్స్ ‘బస్తీ’వాసి హస్తం
జూబ్లీహిల్స్ గెలుపులో కీలకమైన బస్తీలను తనవైపు తిప్పుకోవడంలో నవీన్ యాదవ్ సక్సెస్ అయ్యారు. ప్రతి ప్రచారంలో ‘మీ బస్తీ నుంచి వచ్చాను. మీలో ఒకడిని. మీ ముందే పెరిగాను. మన బస్తీ రూపురేఖలు మార్చుతాను. మీ తమ్ముడిని గెలిపించుకోండి’ అంటూ ఆయన అభ్యర్థించారు. తనను గెలిపించమని చెప్పకుండా.. బస్తీని గెలిపించుకోండి అంటూ ఓటరు నాడీకి పరీక్ష పెట్టారు. ఫలితంగా ‘యూసుఫ్‌గూడ బస్తీవాసి’ చరిష్మా ఘన విజయాన్ని అందించింది.
News November 14, 2025
జూబ్లీ బైపోల్: కాంగ్రెస్ LEADను టచ్ చేయని BJP!
జూబ్లీహిల్స్ ఉప ఎన్నికలో BJPకి వచ్చిన ఓట్లు ఆ పార్టీ శ్రేణులను నిరాశలో పడేశాయి. పోస్టల్ బ్యాలెట్‌లో 20 ఓట్లు రాగా.. 10 రౌండ్లు ముగిసేసరికి లంకల దీపక్ రెడ్డి డిపాజిట్ గల్లంతైంది. మొత్తం పోలైన ఓట్లలో 8.76 శాతంతో 17,061 ఓట్లు పడ్డాయి. కాంగ్రెస్ అభ్యర్థి నవీన్ యాదవ్ 50.83 శాతంతో 98,988 ఓట్లు సాధించారు. ప్రత్యర్థి మీద 24,729 ఓట్ల తేడాతో గెలుపొందారు. కనీసం INC LEAD ఓట్లు కూడా BJPకి రాకపోవడం గమనార్హం.