News August 13, 2024

మహిళ కడుపులో 4.50 కిలోల కణితి తొలగింపు

రామాయంపేట మండల కేంద్రంలోని ఓ ప్రైవేటు ఆసుపత్రిలో మంగళవారం అరుదైన శస్త్ర చికిత్స నిర్వహించారు. కామారెడ్డి జిల్లా ఉప్పరపల్లి గ్రామానికి చెందిన ఎల్లవ్వ అనే మహిళ కొంతకాలంగా కడుపు నొప్పితో బాధపడుతోంది. డాక్టర్ హేమ రాజ్ సింగ్ ఈరోజు ఆ మహిళకు ఆపరేషన్ నిర్వహించి కడుపులో ఉన్న నాలుగున్నర కిలోల గడ్డ తొలగించారు. దీంతో మహిళ కుటుంబ సభ్యులు సంతోషం వ్యక్తం చేస్తూ డాక్టర్ హేమరాజ్‌కు కృతజ్ఞతలు తెలిపారు.