News May 30, 2024

మాక్లూర్: నాలుగేళ్ల చిన్నారిని హత్య చేసిన తండ్రి

మాక్లూర్ మండలం ధర్మోరాలో దారుణం జరిగింది. నాలుగేళ్ల చిన్నారిని సవితి తండ్రి గొంతు నులిమి హత్య చేశాడు. స్థానికుల వివరాల ప్రకారం.. సునీత అనే మహిళ అరుణ్‌ను రెండో పెళ్లి చేసుకుంది. కాగా మెుదటి భర్తకు పుట్టిన పాప ఉండొద్దని సునీతతో అరుణ్ తరచూ గొడవ పడేవాడు. ఈ నేపథ్యంలోనే చిన్నారి లక్కి(4) నిద్రలో ఉండగా గొంతు నులిమి హత్య చేశాడు. అరుణ్, కుటుంబ సభ్యులను పోలీసులు అదుపులోకి తీసుకుని విచారిస్తున్నారు.