News August 16, 2024
మాచర్ల మున్సిపాలిటీ కైవసం చేసుకునున్న TDP
సార్వత్రిక ఎన్నికల్లో టీడీపీ భారీ విజయం నమోదు చేయడంతో మాచర్ల పురపాలక సంఘ పరిధిలోని కౌన్సిలర్లు YCPని వీడి TDPలో చేరారు. ప్రస్తుత మున్సిపల్ ఛైర్మన్ ఏసోబు, వైస్ ఛైర్మన్ నరసింహారావులు ఎమ్మెల్యే జూలకంటి బ్రహ్మారెడ్డిని కలిశారు. ఇప్పటికే పలువురు వైసీపీ కౌన్సిలర్లు టీడీపీ కండువా కప్పుకున్నారు. మొత్తంగా 31 మంది కౌన్సిలర్లకు గాను 20 మంది కౌన్సిలర్లు టీడీపీలో చేరుతున్నట్లు సమాచారం.
Similar News
News September 13, 2024
ముఖ్యమంత్రి సహాయ నిధికి రూ.కోటి విరాళం
రాష్ట్ర సచివాలయంలో వరద బాధితుల సహాయార్థం ముఖ్యమంత్రి సహాయనిధికి మంత్రి నిమ్మల రామానాయుడుతో కలిసి, తులసి సీడ్స్ ప్రైవేట్ లిమిటెడ్ ఛైర్మన్ తులసి రామచంద్ర ప్రభు, ఎండీ తులసి యోగిశ్ చంద్ర కోటి రూపాయల చెక్ ను ముఖ్యమంత్రి చంద్రబాబుకి అందజేశారు. దీంతో పాటు తులసి గ్రూప్ ఉద్యోగుల ఒకరోజు వేతనం రూ.5.43 లక్షలను సంస్థ జనరల్ మేనేజర్ పచ్చా వాసుదేవ్, చంద్రబాబుకు అందజేశారు.
News September 13, 2024
మంగళగిరి: టీడీపీలో చేరిన వైసీపీ నేతలు
వైసీపీ నాయకులు పలువురు టీడీపీ తీర్థం పుచ్చుకున్నారు. ఈ క్రమంలో జగ్గయ్యపేట మున్సిపల్ ఛైర్మన్ రంగాపురం రాఘవేంద్ర, ఆయన తండ్రి రంగాపురం నర్సింహారావు ఉండవల్లిలోని నివాసంలో శుక్రవారం మంత్రి నారా లోకేశ్ సమక్షంలో టీడీపీలో చేరారు. వారితో పాటు 7వ వార్డు కౌన్సిలర్ సీతారావమ్మ దంపతులు, 31వ వార్డు కౌన్సిలర్ గింజుపల్లి వెంకట్రావు, తదితరులు పార్టీలో చేరారు.
News September 13, 2024
యాత్రికుల రక్షణకు చర్యలు ప్రారంభించాం: మంత్రి లోకేశ్
కేదార్ నాథ్లో చిక్కుకున్న 18 మంది తెలుగు యాత్రికులను సురక్షితంగా స్వస్థలాలకు రప్పించేందుకు అన్ని చర్యలు తీసుకుంటున్నామని మంత్రి నారా లోకేశ్ తెలిపారు. శుక్రవారం, మంత్రి మాట్లాడుతూ స్పెషల్ టీంలను ఏర్పాటు చేసి కేంద్ర ప్రభుత్వంతో మాట్లాడుతున్నామని, ఈ లోగా యాత్రికులకు ఎటువంటి అనారోగ్య సమస్యలు తలెత్తకుండా ఉత్తరాఖండ్ ప్రభుత్వ సహకారాన్ని కోరామన్నారు. యాత్రికులు, వారి కుటుంబ సభ్యులు ధైర్యంగా ఉండాలన్నారు.