News July 10, 2024
మాచర్ల వద్ద ఘోర రోడ్డు ప్రమాదం
మాచర్ల పట్టణంలోని చెన్నకేశవ కాలనీ వద్ద బుధవారం రోడ్డు ప్రమాదం జరిగింది. స్థానికుల వివరాల ప్రకారం.. గుర్తు తెలియని వాహనం ఓ వ్యక్తిని వేగంగా ఢీకొట్టింది. ఈ ఘటనలో వ్యక్తి తల నుజ్జయి అక్కడికక్కడే మృతి చెందాడు. మృతుడి చేతిపైన గోపమ్మ అని పచ్చబొట్టు ఉంది. సుమారు 45 సంవత్సరాల వయసు ఉంటుందని, అతను తెల్లచొక్కా, లుంగీ ధరించి ఉన్నాడన్నారు. మృతదేహాన్ని మాచర్ల ప్రభుత్వ ఆసుపత్రికి తరలించారు.
Similar News
News November 30, 2024
రిషితేశ్వరి ఆ రోజుల్లో ఎందుకు చనిపోయిందంటే.!
రాష్ట్రంలో సంచలనం సృష్టించిన ANU ఆర్కిటెక్చర్ విద్యార్థిని రిషితేశ్వరి ఆత్మహత్య చేసుకొని 9 ఏళ్లు గడిచింది. సీనియర్స్ చరణ్ నాయక్, శ్రీనివాస్ రిషితేశ్వరిని ప్రేమిస్తున్నాని వెంటపడటంతో అనీషా నాగసాయి లక్ష్మీవారికి సహకరించింది. ఈ క్రమంలోనే 2015 మే 18న ఆ యువకులు ఇద్దరూ రిషితేశ్వరి పట్ల అసభ్యంగా ప్రవర్తించారు. అందుకోసమే తాను ఆత్మహత్య చేసుకుంటున్నాని 2015 జులై 14న రిషితేశ్వరి డైరీ రాసి చనిపోయింది.
News November 29, 2024
గుంటూరు: బోరుగడ్డ అనిల్‌కు 14 రోజుల రిమాండ్
బోరుగడ్డ అనిల్‌కు మరో 14 రోజులు రిమాండ్‌ను గుంటూరు జిల్లా కోర్టు పొడిగించింది. సామాజిక మాధ్యమాల్లో అసభ్యకర దూషణలపై కేసులో బోరుగడ్డ అనిల్‌కు ఉత్తర్వులు ఇచ్చినట్లు పోలీసులు తెలిపారు. దీంతో ఆయనను మళ్లీ రాజమండ్రి జైలుకు పట్టాభిపురం పోలీసులు తరలించారు. కాగా ఇప్పటికే అనిల్ పలు కేసుల్లో రిమాండ్ ఖైదీగా జైల్లో ఉన్నారు.
News November 29, 2024
రాజధానిలో భూ కేటాయింపులపై కేబినెట్ సబ్ కమిటీ భేటీ
రాజధానిలో సంస్థలకు భూకేటాయింపులపై మంత్రివర్గ ఉప సంఘం శుక్రవారం సాయంత్రం 4 గంటలకు భేటీ కానుంది. అమరావతి ప్రాంతంలో గతంలో పలు భూకేటాయింపులపై సంస్థల ఏర్పాటు, కొత్తగా భూ కేటాయింపులకు వచ్చిన ప్రతిపాదనలపై ముఖ్యంగా ఈ సమావేశంలో చర్చించనున్నారు. కేబినెట్ సబ్ కమిటీలో సభ్యులుగా ఉన్న మంత్రులు నారాయణ, కేశవ్, కొల్లు రవీంద్ర, దుర్గేశ్, టీజీ భరత్, సంధ్యారాణి, పలు శాఖల ఉన్నతాధికారులు హాజరుకానున్నారు.