News April 11, 2025
మార్కాపురం: రైలు ఢీకొని ప్రాణాలతో బయటపడ్డాడు
మార్కాపురం రైల్వే స్టేషన్‌లో ఓ వ్యక్తి ఆత్మహత్యాయత్నానికి పాల్పడ్డాడు. మార్కాపురంలోని విజయ టాకీస్ ఏరియాకు చెందిన అయ్యప్ప అనే వ్యక్తి రైలు పట్టాల వద్దకు చేరుకున్నాడు. మార్కాపురం నుంచి గుంటూరు వెళ్లే రైలు కింద ఆత్మహత్య చేసుకునేందుకు యత్నించాడు. దీంతో రైలు ఢీకొన్న వెంటనే అయ్యప్ప పక్కకు పడిపోవడంతో తీవ్ర గాయాలై ప్రాణాలతో బయటపడ్డాడు. వెంటనే రైల్వే పోలీసులు చేరుకుని అతడిని వైద్యశాలకు తరలించారు.
Similar News
News November 29, 2025
పాఠశాలల వద్ద తస్మాత్ జాగ్రత్త.. ప్రకాశం పోలీస్.!
పాఠశాలల పరిసరాల్లో రాకపోకలు సాగించే వాహనదారులు మితిమీరిన వేగంతో వెళ్లరాదని ప్రకాశం పోలీసులు సూచించారు. ఈ మేరకు ప్రకాశం పోలీస్ సామాజిక మాధ్యమాల ద్వారా శనివారం పలు సూచనలు జారీ చేశారు. వాహనాల వేగంకన్నా, పిల్లల ప్రాణాలు ముఖ్యమన్న విషయాన్ని వాహనదారులు గుర్తించాలని సూచించారు. పాఠశాలల వద్ద చిన్నారులు అకస్మాత్తుగా రహదారులపైకి వచ్చే అవకాశం ఉంటుందని, వాహనదారులు ఈ విషయాన్ని కూడా గుర్తించాలని వారు కోరారు.
News November 29, 2025
BREAKING: ప్రకాశం: RTC బస్సు – కారు ఢీ
దోర్నాల(M) శ్రీశైలం ఘాట్ రోడ్ లో చింతల వద్ద ఆర్టీసీ సూపర్ లగ్జరీ బస్సు – కారు ఢీ కొన్నాయి. ప్రమాదంలో కారు బోల్తా పడగా అందులో ఉన్న పలువురికి స్వల్ప గాయాలయ్యాయి. దీంతో ఘాట్ రోడ్డులో ట్రాఫిక్ అంతరాయం ఏర్పడింది. దోర్నాల పోలీసులు ట్రాఫిక్ క్లియర్ చేశారు. మరింత సమాచారం తెలియాల్సి ఉంది.
News November 29, 2025
ప్రకాశం: ‘అభ్యంతరాలు ఉంటే తెలపండి’
ప్రకాశం జిల్లాలో కలవనున్న కందుకూరు, అద్దంకి డివిజన్లకు సంబంధించి ఏమైనా అభ్యంతరాలు ఉంటే 30 రోజుల్లో తెలపాలని కలెక్టర్ కార్యాలయం శుక్రవారం ప్రకటన విడుదల చేసింది. కందుకూరు రెవిన్యూ డివిజన్ పరిధిలోని 5 మండలాలను, కనిగిరి రెవిన్యూ డివిజన్ పరిధిలోని 2 మండలాలను కందుకూరులోకి కలుపుతూ.. అలాగే కొత్తగా అద్దంకి రెవెన్యూ డివిజన్‌లోని 10 మండలాలను ప్రకాశం జిల్లాలో కలుపుతున్నామని, దీనికై సూచనలు ఇవ్వాలన్నారు.