News April 15, 2025
మార్గం మధ్యలో కార్మికుడి మృతి: ఎస్ఐ
దేవీపట్నం మండలం పోలవరం ప్రాజెక్టులో పని చేస్తున్న ఒడిశాకి చెందిన ఎలక్ట్రీషియన్ పరమ నాయక్ (25)సోమవారం జరిగిన ప్రమాదంలో మృతి చెందారని ఎస్ఐ షరీఫ్ తెలిపారు. మిషన్ వద్ద అతడు పని చేస్తుండగా కటింగ్ బేడ్ విరిగి మెడలో గుచ్చుకుని తీవ్రంగా రక్తస్రావం అయింది. దీంతో ఆసుపత్రికి తరలిస్తుండగా మార్గం మధ్యలో మృతి చెందాడని పేర్కొన్నారు. మృతుడు ఒక ప్రైవేట్ కంపెనీలో కాంట్రాక్టు కార్మికుడుగా పని చేస్తున్నాడని తెలిపారు.
Similar News
News November 30, 2025
అమలాపురంలో ఫిట్ ఇండియా సైకిల్ ర్యాలీ
కేంద్ర ప్రభుత్వం చేపట్టిన ‘ఫిట్ ఇండియా’ కార్యక్రమానికి మద్దతుగా, జిల్లా పోలీస్‌ శాఖ ఆధ్వర్యంలో ఆదివారం కోనసీమలో సైకిల్ ర్యాలీ నిర్వహించారు. ‘ఫిట్ ఇండియా సండేస్‌ ఆన్‌ సైకిల్’ తో పాటు ‘డ్రగ్స్‌ వద్దు బ్రో – డ్రగ్స్‌ రహిత సమాజం మన లక్ష్యం’ అనే నినాదాలతో ఈ కార్యక్రమాన్ని చేపట్టారు. ఎస్పీ రాహుల్‌ మీనా ఆధ్వర్యంలో అమలాపురంలో జరిగిన ఈ ర్యాలీలో ప్రజలు, అధికారులు, పోలీసులు పాల్గొన్నారు.
News November 30, 2025
ప్రియురాలితో సౌతాఫ్రికా మహిళా క్రికెటర్ ఎంగేజ్‌మెంట్
దక్షిణాఫ్రికా ఉమెన్ క్రికెటర్ క్లోయ్ ట్రయాన్ తన ప్రియురాలు, కంటెంట్ క్రియేటర్ మిచెల్ నేటివెల్(జింబాబ్వే)ను పెళ్లి చేసుకోనున్నట్లు ప్రకటించారు. నిన్న వారిద్దరూ ఎంగేజ్‌మెంట్ చేసుకున్నారు. ఇందుకు సంబంధించిన ఫొటోలను ట్రయాన్ SMలో పోస్టు చేయగా అభిమానులు శుభాకాంక్షలు చెబుతున్నారు. కాగా ENG ప్లేయర్లు కేథరిన్ స్కివర్-బ్రంట్, NZ క్రికెటర్లు అమీ సాటర్త్‌వైట్, లీ తహుహు కూడా స్వలింగ వివాహం చేసుకున్నారు.
News November 30, 2025
VZM: ‘గురజాడ నివాసాన్ని జాతీయ స్మారక కేంద్రంగా తీర్చిదిద్దాలి’
గురజాడ అప్పారావు నివాసాన్ని జాతీయ స్మారక కేంద్రంగా తీర్చిదిద్దాలని ప్రముఖ కవి తెలకపల్లి రవి, సామాజిక వేత్త దేవి డిమాండ్ చేశారు. ఆదివారం విజయనగరంలో గురజాడ వర్ధంతి సందర్భంగా జరిగిన గౌరవ యాత్రలో వారు పాల్గొన్నారు. గురజాడ ప్రపంచానికి తెలుగు భాష ఔనిత్యాన్ని చాటి చెప్పిన మహా కవి అన్నారు. గురజాడ జయంతి, వర్ధంతిని ప్రభుత్వం అధికారికంగా నిర్వహించాలని కోరారు.