News August 2, 2024

మిద్దె కూలి నలుగురి మృతి.. నంద్యాల జిల్లాలో విషాదం

నంద్యాల జిల్లాలో ఘోర విషాదం జరిగింది. మట్టి మిద్దె కూలి ఓ కుటుంబానికి చెందిన నలుగురు మృతి చెందారు. చాగలమర్రి మండల పరిధిలోని చిన్న వంగలి గ్రామానికి చెందిన తల్లపురెడ్డి గురు శేఖర్ రెడ్డి, ఆయన భార్య ఇద్దరు తమ పిల్లలతో కలిసి నిద్రించగా వారి జీవితాలు నిద్రలోనే తెల్లారాయి. అర్ధరాత్రి వేళ హఠాత్తుగా మట్టి మిద్దె కూలి వారిపై పడటంతో నలుగురూ చనిపోయారు. ఈ ఘటనతో చిన్న వంగలి గ్రామంలో విషాద ఛాయలు అలుముకున్నాయి.