News April 11, 2025
ముగ్ధమనోహరంగా శ్రీరాముడి రూపం
యావత్ జగత్తుకి రాముడి జీవితం ఆదర్శప్రాయం. పదహారు గుణములు కలిగిన పరిపూర్ణమైన మానవుడి అవతారం రామచంద్రమూర్తిది. దిక్కులు పెక్కటిల్లేలా శివధనస్సుని విరిచి జానకిని తన సొంతం చేసుకున్నాడు. తన పరాక్రమంతో శత్రువులను జయించాడు. తేజోవంతమయిన రాఘవుడి సౌందర్య రూపం చూసేందుకు రెండు కన్నులు చాలవు కదా. నేడు ఒంటిమిట్టలో పెళ్లికొడుకు, పెళ్లికూతురిగా ముగ్ధమనోహరంగా దర్శనమిచ్చిన ఆ సీతారాములను చూసిన భక్తజనం మైమరిచిపోయారు.
Similar News
News February 17, 2026
CDPOలతో కలెక్టర్ ప్రత్యేక సమీక్ష.!
అంగన్వాడీల్లోని చిన్నారుల సమగ్ర ఎదుగుదలే లక్ష్యంగా సిబ్బంది పనిచేయాలని ప్రకాశం జిల్లా కలెక్టర్ రాజాబాబు స్పష్టం చేశారు. ఈ దిశగా దృష్టి సారించాలని సీడీపీఓలకు ఆయన దిశానిర్దేశం చేశారు. అంగన్వాడీ కేంద్రాల ద్వారా అందుతున్న సేవలు, సిబ్బంది పనితీరుపై మంగళవారం ప్రకాశం భవనంలో ఆయన ప్రత్యేక సమీక్ష నిర్వహించారు. వయసుకు తగినట్లుగా పిల్లల బరువు, ఎదుగుదలపై ప్రత్యేక శ్రద్ధ వహించాలన్నారు.
News February 17, 2026
భద్రాద్రి జిల్లాలో ఇంటర్ పరీక్షలకు సర్వం సిద్ధం: కలెక్టర్
భద్రాద్రి జిల్లా వ్యాప్తంగా ఇంటర్ వార్షిక పరీక్షల నిర్వహణకు 37కేంద్రాలను ఏర్పాటు చేసినట్లు కలెక్టర్ జితేష్ తెలిపారు. పరీక్షలు పారదర్శకంగా, ప్రశాంతంగా జరిగేలా ప్రతి కేంద్రానికి చీఫ్ సూపరింటెండెంట్లను, అనుభవజ్ఞులైన ఇన్విజిలేటర్లను నియమించామని పేర్కొన్నారు. మాల్ప్రాక్టీస్కు తావులేకుండా ఫ్లయింగ్ స్క్వాడ్ బృందాలతో నిరంతరం నిఘా ఉంటుందని, విద్యార్థులు ఒత్తిడి లేకుండా పరీక్షలు రాయాలని సూచించారు.
News February 17, 2026
సన్న వడ్ల బోనస్ జమ: కలెక్టర్ అనుదీప్
ఖమ్మం జిల్లాలో 2025-26 ఖరీఫ్ సీజన్లో సన్న రకం వడ్లు పండించిన రైతుల ఖాతాల్లో ప్రభుత్వం క్వింటాలుకు రూ.500 చొప్పున బోనస్ జమ చేసినట్లు కలెక్టర్ అనుదీప్ దురిశెట్టి మంగళవారం తెలిపారు. జిల్లావ్యాప్తంగా 64,093 మంది రైతులకు మొత్తం రూ.175.69 కోట్లు బోనస్గా అందజేశామని వెల్లడించారు. మద్దతు ధరతో పాటు ఈ అదనపు బోనస్ చెల్లింపు రైతులకు ఆర్థికంగా ఎంతో ఊరటనిస్తుందని ఆయన పేర్కొన్నారు.