News December 24, 2024

మెదక్: చలి మంట అంటుకొని మహిళ మృతి

చలి మంటలు కాచుకుంటుండగా చీరకు నిప్పంటుకొని మహిళ మృతి చెందిన ఘటన వెల్దుర్తి మండలంలో చోటుచేసుకుంది. ఎస్సై రాజు తెలిపిన వివరాల ప్రకారం.. మండలంలోని హస్తాల్ పూర్ గ్రామానికి చెందిన మామిండ్ల బుచ్చమ్మ(55) ఈనెల 19న రాత్రి చలిమంట కాచుకుంటుండగా చీరకు నిప్పంటుకొని తీవ్ర గాయాలయ్యాయి. ఆస్పత్రికి తరలించగా చికిత్స పొందుతూ నేడు మృతి చెందినట్లు బంధువులు ఇచ్చిన ఫిర్యాదుతో పోలీసులు కేసు నమోదు చేశారు.