News August 31, 2024
మెదక్ జిల్లాకు రెడ్ అలెర్ట్, కంట్రోల్ రూం ఏర్పాటు
భారీ వర్ష సూచన నేపథ్యంలో మెదక్ జిల్లాకు రెడ్ అలెర్ట్ ప్రకటించారు. కలెక్టర్ కార్యాలయంలో కంట్రోల్ రూం ఏర్పాటు చేశారు. 9391942254 అందుబాటులో ఉంటుందని కలెక్టర్ రాహుల్ రాజ్ తెలిపారు. గ్రామ స్థాయి నుంచి జిల్లా స్థాయి వరకు అధికార యంత్రాంగం అప్రమత్తంగా ఉండాలని కలెక్టర్ రాహుల్ రాజ్ ఆదేశించారు. మండల స్థాయిలో కంట్రోల్ రూములు ఏర్పాటు చేయాలని సూచించారు.
Similar News
News September 16, 2024
గుండెపోటుతో టీచర్ మృతి.. నేత్రదానం
సిద్దిపేట జిల్లా గజ్వేల్ మోడల్ స్కూల్ పాఠశాలలో హిందీ ఉపాధ్యాయుడు ధ్యాప వెంకటస్వామి(49) ఈ ఉదయం గుండెపోటుతో మరణించారు. మృతుడి స్వస్థలం జగదేవ్పూర్ మండలం అలిరాజపేట గ్రామం. అతడికి భార్య, ఇద్దరు ఆడపిల్లలు, వయస్సు మీద పడిన తల్లిదండ్రులు ఉన్నారు. వెంకట్ అకాల మరణంతో గ్రామంలో విషాదఛాయలు అలుముకున్నాయి. పుట్టెడు దు:ఖంలోనూ నేత్రదానానికి ఆ కుటుంబీకులు ముందుకొచ్చి మరో ఇద్దరికి చూపు ఇచ్చారని మిత్రబృందం తెలిపింది.
News September 16, 2024
సిద్దిపేటలో అత్యధిక వర్షపాతం నమోదు
తెలంగాణలో ఇటీవల భారీ వర్షాలు కురిసిన విషయం తెలిసిందే. అయితే వర్షాకాలం కురవాల్సిన దానికంటే ఎక్కువగా కురిసినట్లు వాతావరణశాఖ అధికారులు పేర్కొంటున్నారు. ఏటా రాష్ట్రంలో సాధారణ వర్షపాతం 738 మీమీ కురుస్తుంది. ఈ మేరకు అధికారిక లెక్కలు చెబుతున్నాయి. కానీ ఈ సీజన్లో సెప్టెంబర్ 11 వరకు 897 మీ.మీ వర్షపాతం నమోదైనట్లు అధికారులు నిర్ధారించారు. ఉమ్మడి మెదక్ జిల్లాలోని సిద్దిపేటలో ఎక్కువగా కురిసిందని తెలిపారు.
News September 15, 2024
సంగారెడ్డి: అవకాశాన్ని సద్వినియోగం చేసుకోవాలి: డీఈవో
ఇన్స్పైర్ దరఖాస్తు గడువు అక్టోబర్ 15 వరకు పెంచినట్లు జిల్లా విద్యాధికారి వెంకటేశ్వర్లు ఆదివారం తెలిపారు. ఇన్స్పైర్కు దరఖాస్తు చేయని విద్యార్థులు గడువు పెంపును సద్వినియోగం చేసుకోవాలని కోరారు. మండల విద్యాధికారులు, ప్రధానోపాధ్యాయులు ప్రత్యేక చొరవ తీసుకొని విద్యార్థుల చేత దరఖాస్తు చేయించాలని సూచించారు.