News September 27, 2024

మెదక్: జ్వరంతో అస్వస్థతకు గురై బాలిక మృతి

నిజాంపేట మండలం చల్మెడలో తీవ్ర విషాదం నెలకొంది. జ్వరంతో అనారోగ్యానికి గురై బాలిక చనిపోయంది. స్థానికులు తెలిపిన వివరాల ప్రకారం.. చల్మెడ గ్రామానికి చెందిన కనకరాజు లత దంపతులు కుమార్తె తనుశ్రీ(7) రెండవ తరగతి చదువుతుంది. తనుశ్రీ గురువారం తీవ్ర జ్వరంతో అస్వస్థతకు గురికాగా తల్లిదండ్రులు ఆస్పత్రికి తీసుకెళ్లారు. అక్కడ చికిత్స పొందుతూ చిన్నారి ఈరోజు మృతి చెందడంతో కుటుంబీకులు కన్నీరుమున్నీరయ్యారు.

News October 15, 2024

దుబ్బాక: భర్తకు తలకొరివి పెట్టిన భార్య

వారిద్దరూ అన్యోన్య దంపతులు. కష్టసుఖాల్లో ఒకరికొకరు తోడుగా నిలిచి జీవనం సాగించారు. అయితే విధి వారి బంధాన్ని విడదీసింది. దుబ్బాక మున్సిపాలిటీ పరిధి లచ్చపేటకు చెందిన పూల శంకర్(55), రాధ భార్యాభర్తలు. సోమవారం ప్రమాదవశాత్తు శంకర్ మురికి కాలువలోపడి మృతి చెందాడు. ఆయనకు కొడుకులు లేకపోవడంతో రాధ అంతా తానై భర్తకు అంత్యక్రియలు నిర్వహించింది. తానే భర్తకు తలకొరివి పెట్టింది. ఈఘటన బంధువులను కంటతడి పెట్టించింది.

News October 14, 2024

సంగారెడ్డి: నేడు దామోదర్ రాజనర్సింహ పర్యటన

అందోల్ నియోజకవర్గంలోని చౌటకుర్ మండలం తాడ్దన్ పల్లిలోని యంఏస్ ఫంక్షన్ హాల్లో వైద్య ఆరోగ్య శాఖ మంత్రి దామోదర్ రాజనర్సింహ నేడు ఉ.11 గంటల నుంచి ఆలయ్ బలయ్ కార్యక్రమాన్ని నిర్వహిస్తున్నట్లు పార్టీ కార్యకర్తలు తెలిపారు. ఈ కార్యక్రమంలో ప్రజలు అధిక సంఖ్యలో పాల్గొని విజయవంతం చేయాలని కోరారు.

News October 13, 2024

పుల్కల్: సింగూరులో స్నానానికి వెళ్లిన వ్యక్తి మృతి

పుల్కల్ మండలం సింగూరు నదిలో స్నానానికి వెళ్లిన వ్యక్తి మృతి చెందారు. పోలీసుల కథనం ప్రకారం.. సింగూరు గ్రామానికి చెందిన విటల్ (42) శనివారం సాయంత్రం స్నానం కోసం సింగూరు నదిలోకి వెళ్లారు. సింగూరు దిగువ భాగాన స్నానం చేస్తుండగా నదిలో గల్లంతయ్యాడు. విషయం తెలుసుకున్న పోలీసులు వెంటనే గాలింపు చర్యలు చేపట్టారు. ఆదివారం మృతదేహాన్ని వెలికి తీశారు. కేసు నమోదు చేసుకుని దర్యాప్తు చేస్తున్నట్లు పోలీసులు తెలిపారు.