News June 4, 2024

మెదక్: పిడుగుపాటుతో యువకుడి మృతి

పెద్దశంకరంపేట మండలం బూరుగుపల్లి గ్రామ పరిధిలోని చందా నాయక్ తండాలో తీవ్ర విషాదం నెలకొంది. పిడుగుపాటుకు గురై ఓ యువకుడితోపాటు జీవాలు చనిపోయాయి. స్థానికులు తెలిపిన వివరాలు.. తండాకు చెందిన జైపాల్(25) గ్రామ శివారులో ఇవాళ మేకలు కాస్తుండగా ఉరుములు, మెరుపులతో వర్షం కురిసింది. ఈ క్రమంలో పిడుగుపాటుతో జైపాల్ అక్కడికక్కడే మృతి చెందాడు. అలాగే మూడు మేకలు మృత్యువాత పడ్డాయి.