News March 15, 2025
మెదక్: యువకుడు ఊరేసుకుని ఆత్మహత్య
యువకుడు ఊరేసుకుని ఆత్మహత్యకు పాల్పడిన ఘటన మెదక్ పట్టణం బారా ఇమాంలో శనివారం చోటు చేసుకుంది. పోలీసుల వివరాలు.. సంగారెడ్డి జిల్లా అమీన్ పూర్‌కు చెందిన అరవింద్ (26) ఫతేనగర్‌లో ఉంటూ ఆర్టీసీలో ప్రైవేట్ ఉద్యోగం చేస్తున్నాడు. ఆత్మహత్యకు గల కారణాలు తెలియరాలేదు. మెదక్ పట్టణ పోలీసులు కేసు నమోదు చేసి దర్యాప్తు చేస్తున్నారు. పోస్ట్ మార్టం నిమిత్తం మెదక్ ప్రభుత్వ ఆసుపత్రికి తరలించారు.
Similar News
News November 30, 2025
పాపన్నపేట: చివరి రోజు సందడి .. మెదటి విడతలో అత్యధికం
మెదక్ జిల్లాలో ఆరు మండలాలకు మొదటి విడతలో స్థానిక సర్పంచ్ ఎన్నికలకు నామినేషన్ పత్రాల స్వీకరణ ప్రక్రియ శనివారం ముగిసింది. జిల్లాలో అతిపెద్ద మండలం పాపన్నపేటలో అత్యధికంగా 948 నామినేషన్లు వచ్చాయి. 40 సర్పంచ్ స్థానాలకు 221, 348 వార్డు సభ్యుల స్థానాలకు 727 మంది అభ్యర్థులు నామినేషన్ వేశారు. సరైన వివరాలు లేనందున 2 వార్డు సభ్యుల నామినేషన్లు తిరస్కరించినట్లు అధికారులు వెల్లడించారు.
News November 30, 2025
మెదక్: రెండవ విడతలో 155 సర్పంచ్ నామినేషన్లు
మెదక్ జిల్లాలో రెండవ విడతలో మొదటి రోజు ఆదివారం 155 సర్పంచ్ స్థానాలకు నామినేషన్లు సమర్పించారు. 8 మండలాల్లో 149 స్థానాలున్నాయి. చేగుంట-38, మనోహరాబాద్-23, మెదక్-20, నార్సింగి-3, నిజాంపేట్-18, రామాయంపేట-11, చిన్నశంకరంపేట 38, తుప్రాన్-14 చొప్పున సర్పంచ్ స్థానాలకు నామినేషన్లు సమర్పించారు. ఆలాగే వార్డు స్థానాలకు 280 మంది నామినేషన్లు సమర్పించారు. రేపు పెద్ద ఎత్తున నామినేషన్లు పడే అవకాశం ఉంది.
News November 30, 2025
ఎస్పీని సన్మానించిన బాధిత కుటుంబీకులు
మెదక్ పట్టణంలో పెళ్లిరోజు జరిగిన బంగారం చోరీని ఛేదించిన పోలీసులను అభినందిస్తూ జిల్లా ఎస్పీ డీవీ శ్రీనివాసరావును బాధితులు సన్మానించారు. పెళ్లిరోజు పది తులాల బంగారం చోరీకి గురికాగా, సీఐ మహేష్ ఆధ్వర్యంలో ప్రత్యేక బృందాలను ఏర్పాటు చేసి సాంకేతికత ఆధారంగా నిందితులను అరెస్టు చేశారు. బాధిత కుటుంబానికి కోర్టు ద్వారా బంగారు ఆభరణాలు అందజేశారు. బాధిత కుటుంబం ఎస్పీని కలిసి శాలువాతో సన్మానించింది.