News April 10, 2025
మెదక్: వరకట్న వేధింపులతో వివాహిత సూసైడ్

శివంపేట మండలం కొంతాన్ పల్లి గ్రామంలో వరకట్న వేధింపులకు వివాహిత ఆత్మహత్య చేసుకున్నట్లు ఎస్ఐ మధుకర్ రెడ్డి తెలిపారు. వెల్దుర్తి మండలం మన్నెవారి జలాల్పూర్ గ్రామానికి చెందిన వినోద(34)కు కొంతాన్ పల్లి గ్రామానికి చెందిన చెల్లి ప్రవీణ్ కుమార్తో వివాహమైంది. భర్త ప్రవీణ్, అత్త సత్తెమ్మ అదనపు కట్నం కోసం వేధిస్తుండడంతో మార్చి 31న వినోద విషం తాగింది. చికిత్స పొందుతూ బుధవారం మృతి చెందగా ఘటనపై కేసు నమోదైంది.
Similar News
News November 29, 2025
HYD: డిసెంబర్ 2న కొత్త అధ్యక్షుల ప్రమాణ స్వీకారం

టీపీసీసీ ఇటీవల ఎంపిక చేసిన కాంగ్రెస్ పార్టీ కొత్త జిల్లా అధ్యక్షుల ప్రమాణ స్వీకారం వచ్చేనెల 2న (మంగళవారం) నిర్వహించేందుకు గాంధీ భవన్లో ఏర్పాట్లు జరుగుతున్నాయి. ఈ నేపథ్యంలో ప్రమాణ స్వీకారోత్సవానికి హాజరుకావాలని టీపీసీసీ చీఫ్ మహేష్ కుమార్ గౌడ్ సీఎం రేవంత్ రెడ్డిని ఆహ్వానించారు. ఇదిలా ఉండగా డీసీసీ అధ్యక్షుల ఎంపికలో కొందరు మంత్రులు అసంతృప్తి వ్యక్తం చేసిన విషయంపై రేవంత్ ఆరా తీసినట్లు సమాచారం.
News November 29, 2025
గద్వాల: వేలం పాటలు నిలిపివేయాలి- మాచర్ల ప్రకాష్

సర్పంచ్ ఎన్నికల నేపథ్యంలో గద్వాల జిల్లాలో జరుగుతున్న పదవుల వేలంపాటను నిలిపివేసే విధంగా కట్టుదిట్టమైన చర్యలు తీసుకోవాలని భీమ్ ఆర్మీ పాలమూరు జిల్లా కన్వీనర్ మాచర్ల ప్రకాష్ పేర్కొన్నారు. శనివారం కలెక్టర్ సంతోష్ ను కలిసి వినతిపత్రం ఇచ్చారు. జిల్లాలో ఊహించని విధంగా సర్పంచ్ పదవులకు వేలంపాట జరుగుతుందన్నారు. ఈ ప్రక్రియ రాజ్యాంగ విరుద్ధమని చెప్పారు. వేలంపాటలపై దర్యాప్తు చేసి చర్యలు తీసుకోవాలని కోరారు.
News November 29, 2025
సిరిసిల్ల: స్పెషల్ మానిటరింగ్ సెల్ సమావేశం

గ్రామ పంచాయతీ ఎన్నికల నేపథ్యంలో స్పెషల్ మానిటరింగ్ సెల్ సమావేశాన్ని జిల్లా సమీకృత కార్యాలయాల సముదాయంలో ఇంచార్జి కలెక్టర్, జిల్లా ఎన్నికల అధికారి గరిమా అగ్రవాల్, స్పెషల్ మానిటరింగ్ సెల్ చైర్మన్, అదనపు కలెక్టర్ గడ్డం నగేష్తో కలిసి శనివారం నిర్వహించారు. సమావేశంలో మానిటరింగ్ సెల్ కన్వీనర్ డీఆర్డీఓ శేషాద్రి, సభ్యులు జడ్పీ సీఈవో వినోద్ కుమార్, జిల్లా సంక్షేమ అధికారి లక్ష్మీరాజం తదితరులు పాల్గొన్నారు.


