News March 10, 2025
మేడారం జాతరకు అప్రమత్తంగా ఉండాలి: సీతక్క
ములుగు జిల్లాలో అధికారులు క్షేత్రస్థాయిలో అభివృద్ధి పనులను పరిశీలించాలని మంత్రి సీతక్క అన్నారు. జిల్లా కేంద్రంలో ఇంజినీరింగ్ అధికారులతో సమీక్ష నిర్వహించారు. సీతక్క మాట్లాడుతూ.. జిల్లాలో చేపట్టిన అభివృద్ధి పనులను అనుకున్న సమయంలో పూర్తి చేయాలన్నారు. రానున్న మహా మేడారం జాతరకు అన్ని శాఖల అధికారులు అప్రమత్తంగా ఉండాలని, కాంట్రాక్టర్లు నిర్లక్ష్యం వహిస్తే చర్యలు తప్పవని హెచ్చరించారు.
Similar News
News November 25, 2025
కొత్తగూడెం: ‘రూ.304 కోట్ల విలువైన వడ్డీ లేని రుణాలు’
మహిళలకు వడ్డీ లేని రుణాల పంపిణీ కార్యక్రమం మంగళవారం కొత్తగూడెం క్లబ్‌లో నిర్వహించారు. ఈ కార్యక్రమానికి జిల్లా కలెక్టర్ జితేష్ వి. పాటిల్, కొత్తగూడెం ఎమ్మెల్యే కూనంనేని సాంబశివరావు ముఖ్య అతిథులుగా హాజరయ్యారు. ఎమ్మెల్యే మాట్లాడుతూ.. రాష్ట్ర వ్యాప్తంగా రూ.304 కోట్ల విలువైన వడ్డీ లేని రుణాలు విడుదల కావడం మహిళల ఆర్థిక స్వావలంబనకు తోడ్పడుతుందని చెప్పారు.
News November 25, 2025
BHPL: ఇండ్లు లేని అర్హులైన నిరుపేదలకు ఇందిరమ్మ ఇళ్లు
ఇండ్లు లేని అర్హులైన నిరుపేదలకు ఇందిరమ్మ ఇండ్లు మంజూరు చేస్తున్నట్లు ఎమ్మెల్యే గండ్ర సత్యనారాయణ రావు తెలిపారు. ఐడీవోసీలో గృహ నిర్మాణ శాఖ ఆధ్వర్యంలో గాంధీ నగర్‌లోని 16 మంది లబ్ధిదారులకు కలెక్టర్ రాహుల్ శర్మతో కలిసి ఎమ్మెల్యే గృహాల కేటాయింపు ధ్రువపత్రాలను అందజేశారు. అర్హులైన ప్రతి కుటుంబానికి సొంత ఇంటి కల నెరవేర్చడమే ప్రభుత్వ ప్రధాన లక్ష్యమని తెలియజేశారు.
News November 25, 2025
సిద్దిపేట: భర్త ఇంటి ముందు భార్య నిరసన
తనను, పిల్లలను వదిలివేరే మహిళతో ఉంటున్నాడంటూ సిద్దిపేట జిల్లా నారాయణరావుపేట మండల కేంద్రానికి చెందిన బాల్ లక్ష్మి మంగళవారం భర్త రాజు ఇంటి ముందు నిరసనకు దిగింది. వివాహేతర సంబంధం కారణంగా భర్త తనను ఇంట్లో నుంచి గెంటేశాడని ఆమె ఆరోపించింది. పోలీసులు జోక్యం చేసుకుని న్యాయం చేయాలని ఆమె వేడుకుంది. రాజుపై సిద్దిపేట రూరల్ పోలీస్ స్టేషన్‌లో ఫిర్యాదు దాఖలైంది.