News January 25, 2025
యాదాద్రి భువనగిరి: గ్రామ సభలకు 74,614 దరఖాస్తులు
యాదాద్రి భువనగిరి జిల్లాలో నాలుగు రోజులగా నిర్వహిస్తున్న గ్రామసభలు నేటితో ముగిసాయి. జిల్లాలో గ్రామసభల ద్వారా 74,614 దరఖాస్తులను స్వీకరించినట్లు అధికారులు తెలిపారు. రైతు భరోసా 2698 దరఖాస్తులు, రేషన్ కార్డులు కొరకు 28,049 దరఖాస్తులు, ఇందిరమ్మ ఇండ్ల కొరకు 32,316 దరఖాస్తులు, ఇందిరమ్మ ఆత్మీయ భరోసాకు 11,551 దరఖాస్తులు వచ్చాయి.
Similar News
News November 29, 2025
కూకట్‌పల్లిలో యాక్సిడెంట్.. ఒకరి మృతి
కూకట్‌పల్లి హౌసింగ్ బోర్డు కాలనీలో తెల్లవారుజామున రోడ్డు ప్రమాదం జరిగింది. స్థానికులు తెలిపిన వివరాల ప్రకారం.. చెట్లకు నీళ్లు పోస్తున్న ట్యాంకర్ డ్రైవర్‌ను అతివేగంగా వచ్చిన కారు ఢీ కొట్టింది. ఈ ప్రమాదంలో సదరు వ్యక్తి తీవ్రగాయాలతో అక్కడికక్కడే మృతి చెందాడు. కారు డ్రైవర్ మద్యం సేవించి డ్రైవింగ్ చేసినట్లు పోలీసులు గుర్తించారు. ఘటనపై కేసు నమోదు చేసి దర్యాప్తు చేపట్టారు.
News November 29, 2025
కేసీఆర్ పేరు లేకుండా కవిత ఇంట్రస్టింగ్ ట్వీట్
TG: కేసీఆర్ ఆమరణ నిరాహార దీక్షకు 16 ఏళ్లు పూర్తయిన నేపథ్యంలో MLC కవిత ఆసక్తికర ట్వీట్ చేశారు. తన తండ్రి కేసీఆర్ పేరును ప్రస్తావించకుండా ‘ఒక యోధుని దీక్ష, అమరుల త్యాగం యావత్ తెలంగాణ జాతిని మేల్కొల్పింది. ఐక్యతా గీతమైంది. స్ఫూర్తిని నింపింది. ఉద్యమాన్ని విజయపథం వైపు నడిపింది. రాష్ట్ర సాధనకు దారి దీపమైంది. భౌగోళిక తెలంగాణ సాధించాం. సామాజిక తెలంగాణ సాధిస్తాం. జై తెలంగాణ’ అని పేర్కొన్నారు.
News November 29, 2025
సూర్యాస్తమయం తర్వాత గోళ్లు కత్తిరించుకోవచ్చా?
సూర్యాస్తమయం తర్వాత గోళ్లు కత్తిరించడం అపశకునమని హిందూ సంప్రదాయంలో భావిస్తారు. అయితే ఈ నియమం వెనుక ఓ కారణం ఉందని మీకు తెలుసా? పూర్వం విద్యుత్తు దీపాలు ఉండేవి కాదు. దీపాల వెలుగులో గోళ్లు కత్తిరించుకుంటే తెగడం, గాయాలు కావడం, కత్తిరించిన గోళ్లు ఎక్కడ పడ్డాయో తెలియకపోవడం జరిగేది. అలాగే పరిశుభ్రత కూడా లోపించేది. అందుకే ఈ ప్రమాదాలను నివారించడానికి, పరిశుభ్రతను పాటించడానికి ఈ నియమాన్ని పెట్టారు.