News February 14, 2025
యాదాద్రి భువనగిరి బీజేపీ జిల్లా అధ్యక్షుడిగా అశోక్ గౌడ్
యాదాద్రి భువనగిరి జిల్లా బీజేపీ నూతన జిల్లా అధ్యక్షుడిగా ఉట్కూరి అశోక్ గౌడ్ నియామకమయ్యారు. తెలంగాణ సంఘటన పర్వ్ 2024 ఎన్నికల నియామవళి ఆధారంగా ఆ పార్టీ ఆయనను నూతన అధ్యక్షుడిగా నియమించింది. రాజపేటకు చెందిన ఆయన ఆర్ఎస్ఎస్ నుంచి ముప్పై ఏండ్ల నుంచి బీజేపీకి అనేక సేవలు అందించారు. అశోక్ గౌడ్ నూతన అధ్యక్షుడిగా నియామకం కావడంతో జిల్లా వ్యాప్తంగా ఆయనకు పార్టీ నేతలు అభినందనలు తెలుపుతున్నారు.
Similar News
News February 24, 2026
చెరకులో మాంగనీసు లోపాన్ని ఇలా గుర్తించండి
మాంగనీసు లోపం తలెత్తిన చెరకు మొక్కల ఆకులపై పాలిపోయిన పసుపు రంగుతో కూడిన ఆకుపచ్చ (లేదా) తెలుపు రంగు చారలు ఈనెల పక్కన కనిపిస్తాయి. ఈనెల మధ్య తెల్లగా మారిన ఆకుభాగాల్లో కుళ్లు మచ్చలు వచ్చి అవి పెద్దవై, ఒకదానితో ఒకటి కలిసిపోయి, చారలు చారలుగా ఆకు నిలువునా చీల్చినట్లుగా కనిపిస్తాయి. మాంగనీస్ లోప నివారణకు ఎకరాకు 2.5 కిలోల మాంగనీస్ సల్ఫేట్ను 450 లీటర్ల నీటిలో కలిపి పిచికారీ చేయాలి.
News February 24, 2026
బ్యాంక్ ఆఫ్ బరోడాలో 421 పోస్టులు.. అప్లై చేశారా?
బ్యాంక్ ఆఫ్ బరోడా(BOB)లో 421 (DVP, AVP, డిప్యూటీ మేనేజర్, Asst. మేనేజర్, Sr. మేనేజర్, మేనేజర్) పోస్టులకు అప్లై చేయడానికి ఎల్లుండే ఆఖరు తేదీ. పోస్టును బట్టి డిగ్రీ, MBA/PGDM, CA/CFA/CMA అర్హతతో పాటు పని అనుభవం గలవారు అప్లై చేసుకోవచ్చు. అప్లికేషన్ స్క్రూటినీ, ఆన్లైన్ టెస్ట్, సైకోమెట్రిక్ టెస్ట్, గ్రూప్ డిస్కషన్/ఇంటర్వ్యూ ఆధారంగా ఎంపిక చేస్తారు. వెబ్సైట్: https://bankofbaroda.bank.in/
News February 24, 2026
GREAT: మతం కంటే ❤️ మానవత్వమే గొప్పదని నిరూపించారు
AP: కులమతాల కంటే మానవత్వం, మంచితనమే గొప్పవని నిరూపించారు ముస్లిం దంపతులు. చిత్తూరు(D) చౌడేపల్లిలో తల్లిదండ్రులు లేని హేమలత అనే చిన్నారిని అబ్దుల్ బాషా, షబీనా చేరదీసి సొంత కూతురిలా పెంచి పెద్ద చేశారు. మంచి విద్యను అందించారు. తాజాగా ఆమెకు హిందూ వరుడితో హిందూ సంప్రదాయంలోనే వివాహం చేశారు. మతసామరస్యానికి ఈ పెళ్లి ఓ ఉదాహరణ అని ప్రజలు కొనియాడుతున్నారు. ముస్లిం దంపతులను ప్రశంసిస్తున్నారు.