News March 3, 2025
యాదాద్రి శ్రీవారికి భారీగా నిత్య ఆదాయం
యాదగిరిగుట్ట శ్రీ లక్ష్మీనరసింహస్వామి వారి దేవస్థానంలో ఆదివారం భక్తుల రద్దీతో పాటు ఆదాయం కూడా పెరిగింది. ఈరోజు 2,256 మంది తలనీలాలు సమర్పించగా రూ.1,12,800, ప్రసాదాలు రూ.16,62,430, VIP దర్శనాలు రూ.6,30,000, కార్ పార్కింగ్ రూ.3,70,000, యాదరుషి నిలయం రూ.2,00,804, వ్రతాలు రూ.1,76,600, బ్రేక్ దర్శనాలు రూ.1,13,200, తదితర విభాగాల నుంచి మొత్తం కలిపి రూ.65,20,139 ఆదాయం వచ్చినట్లు ఈవో భాస్కర్ రావు తెలిపారు.
Similar News
News March 24, 2025
వేర్వేరు రోడ్డు ప్రమాదాల్లో ముగ్గురు మృతి
వేర్వేరు రోడ్డు ప్రమాదాల్లో ముగ్గురు మృతి చెందిన ఘటన దమ్మపేట మండలంలో జరిగింది. మండలంలోని ముష్టిబండ శివారులో తెల్లవారుజామున లారీ, డీసీఎం ఎదురెదురుగా ఢీకొన్నాయి. ఈ ప్రమాదంలో నాగాలాండ్‌కి చెందిన ఆశిష్ పాలె మృతి చెందాడు. అశ్వారావుపేట మం. నారంవారిగూడెం బంధువుల ఇంటికి వెళ్తుండగా గాంధీనగర్ వద్ద గుర్తుతెలియని వాహనం బైక్‌ను ఢీకొట్టింది. బైక్‌పై ప్రయాణిస్తున్న సరస్వతి, కృష్ణ అనే తల్లికొడుకులు మృతి చెందారు.
News March 24, 2025
MNCL: మహాప్రస్థానంపై పొలిటికల్ వార్
మంచిర్యాల నియోజకవర్గంలో రాజకీయాలు మహాప్రస్థానం(గోదావరి తీరంలో వైకుంఠధామం) చుట్టే తిరుగుతున్నాయి. BRSహయాంలో అప్పటి ఎమ్మెల్యే దివాకర్‌రావు దీని నిర్మాణానికి వ్యాపారుల నుంచి వసూళ్లకు పాల్పడ్డారని ప్రస్తుత MLA ప్రేమ్‌సాగర్ రావు ఆరోపిస్తున్నారు. తాను గెలిచాక ఎలాంటి అవినీతి లేకుండా పూర్తిచేయించానని చెబుతున్నారు. దీనికి రూ.11కోట్ల వరకు ఖర్చుచేస్తే అవినీతి జరగలేదా అని దివాకర్‌రావు విమర్శిస్తున్నారు.
News March 24, 2025
ప్రకాశం: EKYC ఎక్కడ చేస్తారంటే..?
EKYC కాకుంటే వచ్చేనెల నుంచి రేషన్ సరకులు అందవని ప్రభుత్వం ప్రకటించిన విషయం తెలిసిందే. ప్రకాశం జిల్లాలో 6.61లక్షల రేషన్ కార్డుల ఉండగా.. లబ్ధిదారుల సంఖ్య 19.37లక్షలుగా ఉంది. ఇందులో 17.31లక్షల మందే EKYC చేయించుకున్నారు. రాష్ట్రంలో ఎక్కడున్నా సరే.. అక్కడి మీసేవ, రేషన్ షాపు, ఆధార్ సెంటర్ల ద్వారా EKYC చేస్తారు. ఐదేళ్ల లోపు పిల్లలు తప్ప.. రేషన్ కార్డులో ఉన్నవారంతా EKYC చేయించుకోవాలి. ఈనెల 31 వరకు గడువు.