News February 2, 2025
యాలాల: బీఆర్ఎస్ నుంచి కాంగ్రెస్‌లోకి చేరికలు
యాలాల మండలం పగిడియాల గ్రామంలో బీఆర్ఎస్‌కు చెందిన పలువురు కాంగ్రెస్ పార్టీలో చేరారు. ఈ సందర్భంగా వారికి ఎమ్మెల్యే మనోహర్ రెడ్డి పార్టీ కండువా కప్పి పార్టీలోకి ఆహ్వానించారు. గ్రామానికి చెందిన చంద్రయ్య, లోకేశ్, బసప్ప, బల్లప్పతో పాటు పలువురు కాంగ్రెస్‌లో చేరారు. ఈ సందర్భంగా ఎమ్మెల్యే మాట్లాడుతూ.. రానున్న స్థానిక సంస్థల ఎన్నికల్లో పార్టీ అభ్యర్థుల గెలుపునకు పని చేయాలని సూచించారు.
Similar News
News July 11, 2025
MDK: వర్షాల కోసం ఎదురుచూపులు
ఉమ్మడి మెదక్ జిల్లాలో ముందస్తు వర్షాలకు మురిసిన రైతులు ఇప్పుడు దిగాలు పడుతున్నారు. వర్షాకాలం ప్రారంభమై నెల రోజులైనా సరైన వర్షాలు లేక అన్నదాత ఆందోళన చెందుతున్నారు. పలుచోట్ల తొలకరి జల్లులకు వేసిన పంటలు ఎండిపోతాయని కొందరు ఆవేదన చెందుతుండగా మరికొందరు వానదేవుడి కరుణ కోసం ఎదురు చూస్తున్నారు. ఉమ్మడి జిల్లాలో ఈ ఏడాది 16.14 లక్షల ఎకరాల్లో పంటలు సాగుకు అంచనా వేయగా కేవలం 6.88 లక్షల ఎకరాల్లో పంటలు సాగయ్యాయి.
News July 11, 2025
గుంటూరు: రైస్ కార్డులకు దరఖాస్తుల వెల్లువ
రైస్ కార్డుల కోసం గుంటూరు జిల్లాలో 52,447 దరఖాస్తులు అందగా, వీటిలో 90% సమస్యలు పరిష్కారం అయ్యాయి. కొత్తగా 8 వేలకుపైగా కార్డులు మంజూరు అయ్యే అవకాశం ఉంది. అత్యధికంగా పేర్ల చేర్పు దరఖాస్తులే రావడం గమనార్హం. తెనాలి, గుంటూరు డివిజన్‌లలో అధిక స్పందన కనిపించింది. పేర్ల తొలగింపు, చిరునామా మార్పు, కార్డు విభజనలపై కూడా పెద్ద ఎత్తున దరఖాస్తులు వచ్చాయి. ఇంకా 4,300లకు పైగా దరఖాస్తులు పెండింగ్‌లో ఉన్నాయి.
News July 11, 2025
‘బాహుబలి ది ఎపిక్’ రన్టైమ్ 5.27 గంటలు
దర్శకధీరుడు రాజమౌళి తెరకెక్కించిన ‘బాహుబలి 1&2’ సినిమాలను ఒకే మూవీగా ‘బాహుబలి ది ఎపిక్’గా రిలీజ్ చేయనున్నారు. అక్టోబర్ 31న విడుదల కానున్న ఈ చిత్ర రన్టైమ్ రివీలైంది. దాదాపు 5 గంటల 27నిమిషాలు సినిమా ఉండనుందని తెలిసి అభిమానులు ఆశ్చర్యపోతున్నారు. ఈక్రమంలో దీనిపై ‘బాహుబలి’ ఇంట్రెస్టింగ్ ట్వీట్ చేసింది. ‘కంగారు పడకండి. మేము మీ రోజు మొత్తాన్ని తీసుకోవట్లేదు. ఇది IPL మ్యాచుకు సమానం’ అని రాసుకొచ్చింది.