News April 13, 2025
యువతికి అసభ్యకర మెసేజ్‌లు పంపిస్తున్న యువకుడి అరెస్టు
సోషల్ మీడియా ద్వారా ఎలమంచిలి రాంనగర్‌కు చెందిన యువతికి అసభ్యకరమైన మెసేజ్‌లు పంపిస్తున్న యువకుడిని అరెస్ట్ చేసినట్లు ఎలమంచిలి సీఐ ధనంజయరావు శనివారం తెలిపారు. ఎస్.రాయవరం మండలం దార్లపూడికి చెందిన బొండా చండీశ్వరరావు ఇన్‌స్టాగ్రామ్ ద్వారా మార్ఫింగ్ చేసిన ఫొటోలు, అసభ్యకర సందేశాలు పంపిస్తున్నట్లు చెప్పారు. దీనిపై యువతి ఎలమంచిలి పట్టణ పోలీస్ స్టేషన్లో ఫిర్యాదు చేసిందన్నారు.
Similar News
News April 21, 2025
జగిత్యాల: పోలీసు గ్రీవెన్స్‌కు 13 ఫిర్యాదులు
జగిత్యాల జిల్లా పోలీసు కార్యాలయంలో నేడు గ్రీవెన్స్‌డే కార్యక్రమాన్ని నిర్వహించారు. ఇందులో భాగంగా ఎస్పీ అశోక్ కుమార్ జిల్లాలోని వివిధ ప్రాంతాల నుంచి వచ్చిన 13 మంది అర్జీదారులతో నేరుగా మాట్లాడి, వారి సమస్యలను పరిశీలించారు. అనంతరం సంబంధిత అధికారులతో ఫోన్‌లో మాట్లాడి, సమస్యల పూర్తి వివరాలను సమర్పించాలన్నారు. ప్రతి కేసుపై విచారణ జరిపి తగినచర్యలు తీసుకోవాలని అధికారులను ఎస్పీ ఆదేశించారు.
News April 21, 2025
KMR: తేలనున్న 18469 మంది భవితవ్యం
TG రాష్ట్ర విద్యాశాఖ మంగళవారం ఇంటర్ మీడియట్ పరీక్షల ఫలితాలను విడుదల చేయనుంది. ఈ నేపథ్యంలో కామారెడ్డి జిల్లా వ్యాప్తంగా విద్యార్థులు, వారి తల్లిదండ్రులు వేచిచూస్తున్నారు. ఈ ఏడాది జిల్లా నుంచి మొత్తం 18,469 మంది విద్యార్థులు పరీక్షలు రాశారు. ప్రథమ సంవత్సరంలో 8743 మంది, ద్వితీయ సంవత్సరంలో 9726 మంది పరీక్షలకు హాజరయ్యారు. ఫలితాలను Way2Newsలో అందరికంటే ముందే తెలుసుకోండి. ALL THE BEST
News April 21, 2025
చట్ట పరిధిలో సమస్యలు పరిష్కరించాలి: ఎస్పీ
బాధితుల సమస్యలను తక్షణమే చట్ట పరిధిలో పరిష్కరించాలని ఎస్పీ వకుల్ జిందాల్ అన్నారు. సోమవారం ఆయన కార్యాలయంలో ప్రజా సమస్యల పరిష్కార వేదిక నిర్వహించారు. ఫిర్యాదుదారుల సమస్యల పట్ల సానుకూలంగా స్పందించి, 7 రోజుల్లో న్యాయం జరిగేలా చర్యలు చేపట్టాలని పోలీస్ అధికారులకు ఆయన ఆదేశించారు. భూతగాదాలకు సంబంధించి 17, కుటుంబ కలహాలు 2, మోసాలకు పాల్పడినవి 4, ఇతర అంశాలకు సంబంధించి 2 ఫిర్యాదులు వచ్చినట్లు తెలిపారు.