News April 10, 2026

యూపీఎస్సీ పరీక్షలకు ఏర్పాట్లు పూర్తి చేయాలి: కలెక్టర్

ఈనెల 12న జరిగే యూపీఎస్సీ (NDA, CDS) పరీక్షలకు పటిష్ట ఏర్పాట్లు చేయాలని హనుమకొండ కలెక్టర్ చాహత్ బాజ్ పాయ్ అధికారులను ఆదేశించారు. జిల్లాలోని 3 కేంద్రాల్లో 963 మంది అభ్యర్థులు పరీక్ష రాయనున్నారని తెలిపారు. కేంద్రాల వద్ద నిరంతర విద్యుత్, వైద్య సదుపాయాలు కల్పించాలని, అభ్యర్థుల కోసం ప్రత్యేక బస్సులు నడపాలని ఆమె సూచించారు. అధికారులు సమన్వయంతో పనిచేసి పరీక్షలను ప్రశాంతంగా నిర్వహించాలని అన్నారు.