News August 17, 2024
రంప: 108లో ప్రసవం.. తల్లీబిడ్డ క్షేమం

చింతూరు మండలం వంకలగూడెం గ్రామానికి చెందిన పార్వతికి పురిటి నొప్పులు రావడంతో ఏడుగురాళ్లపల్లి PHCకి తీసుకెళ్లేందుకు కుటుంబీకులు 108లో బయలుదేరారు. మార్గం మధ్యలో వాహనం రిపేర్కు గురై ఆగిపోయింది. ఈ విషయాన్ని తెలుసుకున్న PHC వైద్యాధికారి విశ్వచైతన్య వాహనం వద్దకు వచ్చి పురుడు పోశారు. తల్లీబిడ్డలు క్షేమంగా ఉన్నారని తెలిపారు. అనంతరం వారిని ఆసుపత్రికి తరలించారు.
Similar News
News November 30, 2025
దోసకాయలపల్లిలో దారుణ హత్య

కోరుకొండ మండలం దోసకాయలపల్లిలో ఆదివారం దారుణం చోటుచేసుకుంది. గ్రామానికి చెందిన పిల్లి ఆనంద్ (30)ను కత్తితో నరికి దారుణంగా హత్య చేశారు. వరుసకు బంధువు అయిన ములకల్లంకకు చెందిన వ్యక్తే ఈ ఘాతుకానికి పాల్పడి పరారైనట్లు పోలీసులు ప్రాథమికంగా అనుమానిస్తున్నారు. మృతుడికి భార్య, ఇద్దరు కుమారులున్నారు. పోలీసులు ఘటనా స్థలానికి చేరుకుని దర్యాప్తు చేపట్టారు.
News November 30, 2025
రాజమండ్రి: నేటి మాంసం ధరలు ఇలా!

వారాంతం కావడంతో మాంసాహార దుకాణాలు వినియోగదారులతో కళకళలాడుతున్నాయి. రాజమండ్రి మార్కెట్లో కిలో స్కిన్లెస్ చికెన్ ధర రూ. 250, స్కిన్తో రూ. 230గా ఉంది. లైవ్ కోడి ధర రూ.140 నుంచి రూ.150 వరకు లభిస్తోంది. ఇక, కేజీ మటన్ ధర రూ. 900కు విక్రయిస్తున్నారు. ప్రాంతాలవారీగా ధరలలో స్వల్ప తేడాలున్నాయి. మీ ప్రాంతంలో ధరలు ఎలా ఉన్నాయో కామెంట్ చేయండి.
News November 29, 2025
రాజమండ్రి: ‘సెలవుల్లోనూ.. విద్యుత్ బిల్లులు చెల్లించవచ్చు’

విద్యుత్ బిల్లులు వసూళ్ల కౌంటర్లు ఆదివారం కూడా పని చేస్తాయని APEPDCL సూపరింటెండింగ్ ఇంజినీర్ కె.తిలక్ కుమార్ తెలిపారు. రెవెన్యూ కార్యాలయాలతో పాటు APEPDCL సెక్షన్ ఆఫీస్ కలెక్షన్ కౌంటర్లు, A.T.P సెంటర్లలో కూడా బిల్లులు ఆదివారం చెల్లించవచ్చని తెలిపారు. జిల్లాలోని విద్యుత్ వినియోగదారులు అందరూ ఈ అవకాశాన్ని సద్వినియోగం చేసుకోవాల్సిందిగా ఆయన కోరారు.


