News January 27, 2025
రవీంద్రభారతిలో ఆకట్టుకున్న నృత్య ప్రదర్శన
నాట్యగురువులు మంజుల రామస్వామి, వీఎస్‌ రామమూర్తి శిష్యురాలు జీఎస్‌ విద్యానందిని భరతనాట్య ఆరంగేట్రం ఆదివారం రవీంద్రభారతిలో కనుల పండువగా జరిగింది. పుష్పాంజలి, గణపతి స్తుతి, జతిస్వరం, థిల్లాన వంటి పలు అంశాలపై చక్కటి హావభావాలతో సాగిన నృత్య ప్రదర్శనలు ఆహుతులను ఆకట్టుకున్నాయి. కార్యక్రమంలో సరస్వతి ఉపాసకులు దైవాజ్ఞశర్మ, ప్రముఖ కవి రాధశ్రీ, సాంస్కృతిక పండితులు సాధన నర్సింహాచారి, తల్లిదండ్రులు పాల్గొన్నారు.
Similar News
News January 30, 2025
రంగారెడ్డి జిల్లా కనిష్ఠ ఉష్ణోగ్రతలు ఇలా
రంగారెడ్డి జిల్లా కనిష్ట ఉష్ణోగ్రతలు ఇలా ఉన్నాయి.. అత్యల్పంగా చందనవెల్లిలో 11.4℃, రాచలూరు 11.7, ఎలిమినేడు 11.8, రెడ్డిపల్లె 12.3, తొమ్మిదిరేకుల 12.6, మీర్‌ఖాన్‌పేట 12.8, రాజేంద్రనగర్ 12.8, వెల్జాల 13.2, తాళ్లపల్లి 13.3, మంగళపల్లె 13.4, కందవాడ 13.6, దండుమైలారం 13.6, వైట్‌గోల్డ్ SS 13.6, కేతిరెడ్డిపల్లి 13.7, యాచారం 13.7, నల్లవెల్లి 13.8, విమానాశ్రయం 14, మొగలిగిద్ద 14.1, కేశంపేటలో 14.2℃గా నమోదైంది.
News January 30, 2025
UPDATE: పిల్లలకు ఏ లోటు రాకుండా చూసుకున్నాడు
మీర్‌పేట్ PS పరిధిలో భార్యను అతికిరాతకంగా హత్య చేసిన భర్తను పోలీసులు అరెస్టు చేసి రిమాండ్‌కు తరలించారు. అయితే హత్య చేసిన అనంతరం పిల్లలను ఇంటికి తీసుకొచ్చే క్రమంలో వారికి అల్పాహారం తినిపించాడు. ఇల్లంతా దుర్వాసన వస్తుందని పిల్లలు అనగా ఎయిర్ ఫ్రెషనర్‌తో దుర్వాసన పోగొట్టేందుకు ప్రయత్నించాడు. అనంతరం వారికి ఏ లోటు రాకుండా చూసుకున్నాడు. ప్రస్తుతం పిల్లలు అమ్మమ్మ వద్ద ఉంటున్నట్లు సమాచారం.
News January 30, 2025
హైదరాబాద్‌లో ఏం జరగనుంది?
మరో ఏడాదిలో GHMCకి ఎన్నికలు జరగనున్న నేపథ్యంలో అన్ని పార్టీలు నేటి సర్వసభ్య సమావేశాన్ని సవాల్‌గా తీసుకున్నాయి. నేటి సమావేశంలో అవిశ్వాసం, రూ.8వేల కోట్ల బడ్జెట్‌పై చర్చకు పార్టీలు సిద్ధమయ్యాయి. వీటన్నింటిని యుక్తితో ఎదుర్కోవాలని కాంగ్రెస్ కౌన్సిలర్‌లకు సూచించింది. అవిశ్వాసానికి BRSకు సంఖ్యాబలం లేదని మేయర్ విజయలక్ష్మి ధీమా వ్యక్తం చేశారు. తమకు రావాల్సిన ఫండ్ కోసం కార్పొరేటర్లు పట్టుబట్టనున్నారు