News September 14, 2024

రాజాం: డీజే సౌండ్‌కు యువకుడు కుప్ప కూలిపోయాడు

రాజాం మున్సిపాలిటీ పరిధిలో పొనుగుటివలసలో శుక్రవారం రాత్రి వినాయక నిమజ్జనం కార్యక్రమంలో డీజే సౌండ్‌కు గ్రామానికి చెందిన ఇరవై ఏళ్ల యువకుడు వావిలపల్లి వినయ్ గుండె పోటుకు గురయ్యాడు. అప్పటి వరకు ఎంతో ఉత్సాహంగా ఉన్న వినయ్ ఒక్కసారిగా కుప్ప కూలిపోయాడు. వెంటనే స్నేహితులు రాజాంలో ఓ ఆసుపత్రికి తరలించారు. అనంతరం మెరుగైన చికిత్స నిమిత్తం విశాఖపట్నంలో ఓ ఆసుపత్రికి తరలించి చికిత్స అందిస్తున్నారు.