News February 8, 2025
రామంతపూర్‌లో పదో తరగతి విద్యార్థిని ఆత్మహత్య
ఉప్పల్ PS పరిధి రామంతపూర్‌లోని ఇందిరానగర్‌లో పదో తరగతి విద్యార్థిని(15) ఉరివేసుకొని ఆత్మహత్యకు పాల్పడింది. గాంధీనగర్‌లోని ప్రైవేట్ పాఠశాలలో పదో తరగతి చదువుతున్న విద్యార్థినిని తల్లి ఆసుపత్రికి తీసుకెళ్లింది. అనంతరం ఇంటికి వచ్చాక తల్లి బయటకు వెళ్లింది. ఈ సమయంలో ఇంట్లో ఎవరూ లేని సమయంలో ఆమె ఉరివేసుకొని ఆత్మహత్యకు పాల్పడింది. ఘటనా స్థలానికి చేరుకున్న పోలీసులు కేసు నమోదు చేసి దర్యాప్తు చేస్తున్నారు.
Similar News
News November 29, 2025
సీఎం రేవంత్ రెడ్డి సిద్దిపేట జిల్లా పర్యటన ఖరారు
ప్రజా పాలన ప్రజా విజయోత్సవాల్లో భాగంగా CM రేవంత్ రెడ్డి జిల్లాలలో పర్యటించనున్నారు. డిసెంబర్ 1 నుంచి 9 వరకు ప్రజా పాలన వారోత్సవాలు నిర్వహించాలని కేబినెట్ నిర్ణయించింది. ఈ నేపథ్యంలో సీఎం రేవంత్ రెడ్డి సిద్దిపేట జిల్లా పర్యటన షెడ్యూల్ ఖరారైంది. సిద్దిపేట జిల్లా హుస్నాబాద్‌లో డిసెంబర్ 3న బహిరంగ సభ నిర్వహించడానికి కాంగ్రెస్ నాయకులు ఇప్పటికే ఏర్పాట్లను చేపడుతున్నారు.
News November 29, 2025
రేణిగుంట: రన్‌వేపై నిలిచిన ఇండిగో విమానం
రేణిగుంట అంతర్జాతీయ విమానాశ్రయం నుంచి హైదరాబాద్‌కు బయలుదేరాల్సిన ఇండిగో విమానంలో సాంకేతిక లోపం తలెత్తింది. ఉదయం హైదరాబాద్‌ నుంచి రేణిగుంటకు వచ్చిన ఆ విమానం తిరిగి బయలుదేరే సమయంలో రన్‌వేపైనే ఆగిపోయింది. పైలట్లు లోపాన్ని గుర్తించి విమానాన్ని ఆపడంతో ప్రయాణికుల్లో కొంత ఆందోళన నెలకొంది. విమానాశ్రయం సాంకేతిక బృందం మరమ్మతులు చేపట్టింది.
News November 29, 2025
NZB: కవిత మాటలు ముమ్మాటికి నిజం: జాగృతి
కాళేశ్వరం ప్రాజెక్టు ద్వారా NZB, KMR జిల్లాల్లో ఒక్క ఎకరానికి కూడా నీళ్లు ఇవ్వలేదన్న కవిత మాటలు ముమ్మాటికీ నిజం అని తెలంగాణా జాగృతి రాష్ట్ర రైతు విభాగ అధ్యక్షుడు నవీన్ రెడ్డి అన్నారు. ఆయన మీడియాతో మాట్లాడుతూ.. కాళేశ్వరం ప్రాజెక్టు కింద NZB జిల్లాలో 1,81,349 ఎకరాలు, KMR జిల్లాలో 1,86,262 ఎకరాలు ప్రతిపాదించారని ప్యాకేజీ 20, 21, 21ఏ, 22 కింద వీటిలో ఏ ఒక్క ఎకరానికి కూడా నీళ్లు రాలేదన్నారు.