News March 11, 2025
రామగుండం CP కి శుభాకాంక్షలు తెలిపిన కలెక్టర్
రామగుండం కమిషనరేట్ సీపీగా నూతనంగా బాధ్యతలు స్వీకరించిన అంబర్ కిషోర్‌ఝా కు పెద్దపల్లి జిల్లా కలెక్టర్ కోయ శ్రీహర్ష శుభాకాంక్షలు తెలిపారు. ఈ సందర్భంగా ఆయనను కమిషనరేట్ కార్యాలయంలో మర్యాదపూర్వకంగా కలిసి పుష్పగుచ్ఛం అందించి శుభాకాంక్షలు చెప్పారు. ఇరువురు ఆప్యాయంగా మాట్లాడుకున్నారు. జిల్లాలోని పలు సమస్యల గురించి చర్చించుకున్నారు.
Similar News
News November 30, 2025
కర్నూలు: అప్పుల బాధతో రైతు ఆత్మహత్య
వెల్దుర్తి మండలం కలుగోట్లలో వ్యవసాయ అప్పులు, పంట నష్టంతో తీవ్ర మనస్తాపానికి గురైన రైతు బోయ మద్దయ్య(55) ఆదివారం వేప చెట్టుకు ఉరివేసుకొని ఆత్మహత్య చేసుకున్నారు. తనకు ఉన్న 2 ఎకరాలతో పాటు దేవుని మన్యం కౌలుకు తీసుకొని సాగు చేశారు. పంట నష్టం వాటిల్లి రూ.6 లక్షలు అప్పులు మిగిలాయి. మనస్తాపంతో ఆత్మహత్య చేసుకున్నట్టు భార్య లక్ష్మీదేవి తెలిపారు. పోలీసులు కేసు నమోదు చేశారు.
News November 30, 2025
మహారాష్ట్ర సరిహద్దులో రైలు ఢీకొని పులి మృతి
తెలంగాణ–మహారాష్ట్ర సరిహద్దులోని మాణిగ్గర్–విర్గాం సమీపంలో రైలుప్రమాదం జరిగింది. ఆదివారం సాయంత్రం సిర్పూర్ శివారులో రైలు ఢీకొనడంతో పులి అక్కడికక్కడే మృతి చెందినట్లు అటవీశాఖ అధికారులు తెలిపారు. సమాచారం అందిన వెంటనే ఘటనా స్థలానికి చేరుకుని పరిస్థితిని పరిశీలించామన్నారు. పులి ట్రాక్‌పైకి ఎలా చేరిందనే దానిపై దర్యాప్తు కొనసాగుతోందన్నారు.
News November 30, 2025
RRR నిర్మాణంలో కీలక పరిణామం
హైదరాబాద్ రీజినల్ రింగ్ రోడ్ పనులకు సంబంధించి కీలక పరిణామం చోటు చేసుకుంది. 6 లేన్ రోడ్ నిర్మాణంలో భాగంగా దాదాపు 161 కిలోమీటర్ల పనులకు చేపట్టాలని నేషనల్ హైవే అథారిటీ అధికారులు నిర్ణయించారు. గతంలో నాలుగు లైన్లను నిర్మించాలని నిర్ణయించగా రాష్ట్ర ప్రభుత్వం అభ్యంతరం తెలిపింది. భవిష్యత్తులో ట్రాఫిక్ సమస్యలు ఉత్పన్నం కాకుండా 6 లైన్స్ నిర్మించాలని కోరింది.