News August 7, 2024
రామభద్రపురం యువకునికి 20 ఏళ్ల జైలుశిక్ష
పోక్సో కేసులో నిందితునిగా ఉన్న భవిరెడ్డి రవితేజకు 20 ఏళ్లు జైలు శిక్షతో పాటు రూ.6,000/- జరిమానా విధించినట్లు రామభద్రపురం ఎస్ఐ జ్ఞాన ప్రసాద్ తెలిపారు. రొంపల్లి గ్రామంలో 2021 అక్టోబర్ నెలలో ఓ బాలికపై అత్యాచారం చేసిన కేసులో రవితేజ నిందితునిగా ఉన్నాడన్నారు. నేరం రుజువు కావడంతో యువకుడికి జైలుశిక్ష, జరిమానా విధిస్తూ పోక్సో కోర్టు న్యాయమూర్తి నాగమణి తీర్పు వెల్లడించినట్లు ఎస్సై తెలిపారు.
Similar News
News November 26, 2024
గత ఐదేళ్లు జీసీసీ పూర్తిగా నిర్వీర్యం:కిడారి
గత ఐదేళ్లలో వైసీపీ ప్రభుత్వం జీసిసిని పూర్తిగా నిర్వీర్యం చేసిందని దీని బలోపేతానికి అవసరమైన చర్యలు చేపడుతున్నామని ఆ సంస్థ రాష్ట్ర ఛైర్మన్ కిడారి శ్రావణ్ కుమార్ అన్నారు. విజయనగరంలో సబ్బుల తయారీ యూనిట్‌ను ఆయన సోమవారం పరిశీలించారు. ప్రైవేటు సరుకులు మాదిరిగా డిసిసి సరుకులు జనాలను ఆకర్షించే విధంగా నాణ్యతతో తయారు చేస్తామని చెప్పారు.
News November 25, 2024
విజయనగరం TO పాడేరు వయా అరకు..!
విజయనగరం నుంచి అరకు మీదుగా పాడేరుకు త్వరలో బస్సు సౌక‌ర్యం క‌ల్పిస్తామ‌ని ఆర్టీసీ జోన‌ల్ ఛైర్మన్ సియ్యారి దొన్నుదొర చెప్పారు. స్థానిక ఆర్టీసీ కాంప్లెక్స్‌లో సోమవారం ఆయన మీడియాతో మాట్లాడారు. ఈ ప్రాంతం నుంచి ప‌ర్యాట‌కులు, ఉద్యోగులు అరకు, పాడేరు వెళ్లేందుకు ఇబ్బందులు ప‌డుతున్నార‌ని వారికి ఈ బస్సు వ‌ల్ల ప్ర‌యాణం సుల‌భ‌త‌ర‌మ‌వుతుంద‌న్నారు.
News November 25, 2024
IPL వేలంలో యశ్వంత్‌కు నిరాశ
రెండో రోజు జరిగిన ఇండియన్ ప్రీమియర్ లీగ్-2025 మెగా వేలంలో విజయనగరం జిల్లా గరివిడికి చెందిన బైలపూడి యశ్వంత్‌కు నిరాశ ఎదురైంది. త్వరలో జరగనున్న ఐపీఎల్ సీజన్‌కు రూ.30లక్షల బేస్ ప్రైస్‌తో యశ్వం‌త్ తన అదృష్టాన్ని పరీక్షించుకోగా.. తీసుకునేందుకు ఐపీఎల్ ఫ్రాంఛైజ్‌లు ఆసక్తి చూపలేదు. దీంతో అన్‌సోల్డ్‌గా మిగిలిపోయాడు.