News March 6, 2025
రామారెడ్డి: బైక్ పైనుంచి పడి మహిళ మృతి

ద్విచక్ర వాహనంపై వెళ్తున్న మహిళ ప్రమాదవశాత్తు జారిపడి మృతి చెందింది. ఈ ప్రమాదం రామారెడ్డి PS పరిధిలో మంగళవారం రాత్రి జరిగింది. ఎస్ఐ నరేష్ వివరాలు.. రామారెడ్డి గ్రామానికి చెందిన ఒగ్గు సాగర్ బైక్ పై తన తల్లి మానసతో వస్తుండగా, అదే సమయంలో వాకింగ్ చేస్తున్న వారిని ఢీకొట్టాడు. దీంతో ఆమె బైక్ పై నుంచి జారి పడింది. తీవ్ర గాయం కాగా అక్కడిక్కడే మృతి చెందింది. పోలీసులు కేసు నమోదు చేసి దర్యాప్తు చేస్తున్నారు.
Similar News
News November 30, 2025
సచిన్ రికార్డు బ్రేక్ చేసిన కోహ్లీ

భారత స్టార్ క్రికెటర్ విరాట్ కోహ్లీ అంతర్జాతీయ క్రికెట్లో సంచలనం నమోదు చేశారు. దక్షిణాఫ్రికాతో మ్యాచులో శతకంతో ఒక ఫార్మాట్లో అత్యధిక సెంచరీలు బాదిన ప్లేయర్గా నిలిచారు. వన్డేల్లో కోహ్లీ 52 సెంచరీలు నమోదు చేశారు. టెస్టు ఫార్మాట్లో 51 సెంచరీలతో సచిన్ తర్వాతి స్థానంలో ఉన్నారు. కాగా మూడు ఫార్మాట్లలో కలిపి సచిన్ 100 శతకాలు నమోదు చేయగా, కోహ్లీ 83 సెంచరీలు చేశారు.
News November 30, 2025
మానసిక ఆరోగ్యం మెరుగవ్వాలంటే ఇలా చేయండి

నేటి డిజిటల్ యుగంలో పని ఒత్తిళ్లు, అనవసరపు ఆందోళనలతో మానసిక ఆరోగ్యం దెబ్బతింటోంది. ఇలా కాకుండా ఉండాలంటే పాత పుస్తకాలు, ముఖ్యంగా గతంలో మీకు బాగా నచ్చిన కథలు, నవలలు చదవాలని నిపుణులు చెబుతున్నారు. ఇవి ఒత్తిడిని తగ్గించడం, కంఫర్ట్, ఏకాగ్రతను పెంచుతాయి. అందుకే డిజిటల్ స్క్రీన్లకు కొంత విరామం ఇచ్చి, ప్రతిరోజూ కనీసం 30 నిమిషాలు మీ పాత, ఇష్టమైన పుస్తకాలను మళ్లీ చదవాలని సూచిస్తున్నారు.
News November 30, 2025
పాలమూరు: రైలు నుంచి జారిపడి యువకుడి మృతి

రైలు నుండి జారిపడి గుర్తుతెలియని వ్యక్తి మృతి చెందిన ఘటన జడ్చర్ల సమీపంలోని ఆలూరు రైల్వే గేట్ వద్ద ఆదివారం చోటుచేసుకుంది. రైల్వే ఎస్సై అక్బర్ తెలిపిన వివరాలు.. యువకుడి 25-30 ఏళ్లు ఉంటుందన్నారు. యువకుడు నలుపు రంగు షర్టు, బ్లూ కలర్ జీన్స్ ప్యాంటు ధరించాడు. చేతిపై “ఓం”అని పచ్చబొట్టు ఉందన్నారు. యువకుడిని ఎవరైనా గుర్తిస్తే 87126 58597 నంబర్ సంప్రదించాలన్నారు.


