News March 30, 2025
రావులపాలెం వాసికి ఉగాది పురస్కారం
రాష్ట్ర ప్రభుత్వం అందజేసే ఉగాది పురస్కారానికి రావులపాలెం గ్రామానికి చెందిన ప్రముఖ టీటీడీ వేద పండితుడు పెడసనగంటి సీతారామమూర్తి శర్మ అవధాని ఎంపికయ్యారు. అవధానం విభాగంలో అంబేడ్కర్ కోనసీమ జిల్లా నుంచి ఆయనను ఎంపిక చేసినట్టు అధికారుల నుంచి ఆహ్వానం అందుకున్నారు. ఆదివారం విజయవాడలో జరిగే శ్రీవిశ్వావసు నామ సంవత్సర ఉగాది వేడుకల్లో ఈ పురస్కారాన్ని స్వీకరించేందుకు వెళ్తున్నట్టు అవధాని తెలిపారు.
Similar News
News November 29, 2025
రాజమండ్రి: ‘సెలవుల్లోనూ.. విద్యుత్ బిల్లులు చెల్లించవచ్చు’
విద్యుత్ బిల్లులు వసూళ్ల కౌంటర్లు ఆదివారం కూడా పని చేస్తాయని APEPDCL సూపరింటెండింగ్ ఇంజినీర్ కె.తిలక్ కుమార్ తెలిపారు. రెవెన్యూ కార్యాలయాలతో పాటు APEPDCL సెక్షన్ ఆఫీస్ కలెక్షన్ కౌంటర్లు, A.T.P సెంటర్‌లలో కూడా బిల్లులు ఆదివారం చెల్లించవచ్చని తెలిపారు. జిల్లాలోని విద్యుత్ వినియోగదారులు అందరూ ఈ అవకాశాన్ని సద్వినియోగం చేసుకోవాల్సిందిగా ఆయన కోరారు.
News November 29, 2025
పంచాయతీ ఎన్నికలపై ప్రత్యేక దృష్టి: డీఎస్పీ యాదయ్య
పంచాయతీ ఎన్నికలపై ప్రత్యేక దృష్టి సారించాలని తాండూరు డీఎస్పీ నర్సింగ్ యాదయ్య సూచించారు. శనివారం పెద్దేముల్ మండలంలోని నామినేషన్ల కోసం ఏర్పాటు చేసిన క్లస్టర్ కేంద్రాలను ఆయన ఎస్ఐ శంకర్‌తో కలిసి సందర్శించారు. కేంద్రాల వద్ద ఎన్నికల పరిస్థితి, జరుగుతున్న పరిణామాలను అధికారులను అడిగి తెలుసుకున్నారు. ఎన్నికల ప్రక్రియ సజావుగా సాగేందుకు అవసరమైన చర్యలు తీసుకోవాలని ఆదేశించారు.
News November 29, 2025
రెండవ విడత నామినేషన్లకు అన్ని ఏర్పాట్లు పూర్తి: వరంగల్ కలెక్టర్
జిల్లాలో గ్రామ పంచాయతీ రెండో విడత నామినేషన్ల స్వీకరణకు సంబంధించి అన్ని ఏర్పాట్లు పూర్తయ్యాయని వరంగల్ కలెక్టర్ సత్య శారద తెలిపారు. ఎన్నికల షెడ్యూల్‌ ప్రకారం తొలి విడత నామినేషన్ల ప్రాసెస్‌ సజావుగా ముగిసిందని ఆమె పేర్కొన్నారు. మొదటి విడతలో వరంగల్ రెవెన్యూ డివిజన్‌లోని మూడు మండలాల పరిధిలో 91 గ్రామ పంచాయతీలు, 800 వార్డ్ సభ్యుల స్థానాలకు నామినేషన్ల స్వీకరణను శనివారం సాయంత్రంతో పూర్తయిందన్నారు.