News August 7, 2024
రాష్ట్రంలో చేనేతకు పూర్వ వైభవం తెస్తాం: మంత్రి సవిత
రాష్ట్రంలో చేనేతకు పూర్వ వైభవం తెస్తామని బీసీ సంక్షేమ శాఖ మంత్రి సవిత అన్నారు. జాతీయ చేనేత దినోత్సవం పురస్కరించుకొని చేనేత జౌలి శాఖ ఆధ్వర్యంలో బుధవారం విజయవాడ మేరీస్ కాలేజీ వద్ద ర్యాలీ కార్యక్రమాన్ని నిర్వహించారు. ఈ ప్రభుత్వ హయాంలో చేనేత కార్మికులకు స్వర్ణ యుగమని అన్నారు. చేనేతల అన్నపై చంద్రబాబు ప్రత్యేక దృష్టి పెట్టారన్నారు. చేనేత కార్మికుల కుటుంబ సభ్యులందరికీ శుభాకాంక్షలు తెలియజేశారు.
Similar News
News February 15, 2025
పెనమలూరు: ఆన్‌లైన్‌లో రూ.1.55 లక్షల స్వాహా
సైబర్ నేరగాళ్ల చేతిలో ఓ ఉపాధ్యాయుడు మోసపోయిన ఘటన పెనమలూరు పోలీస్ స్టేషన్ పరిధిలో జరిగింది. పోలీసుల కథనం ప్రకారం.. ఓ ప్రైవేట్ పాఠశాలలో పనిచేస్తున్న కానూరుకి చెందిన రమణమూర్తి అతని ఫోన్లో ఉన్న టెలిగ్రామ్ యాప్‌కు`Global India Private Limited’ పేరుతో అధిక లాభాలు వస్తాయని మెసేజ్ వచ్చింది. దీంతో ఆయన రూ.1.55 లక్షలు జమ చేశారు. తర్వాత వారు ఫోన్ లిఫ్ట్ చేయకపోవడంతో శుక్రవారం పోలీసులకు ఫిర్యాదు చేశారు.
News February 15, 2025
గన్నవరం: కిడ్నాప్ కేసులో మరో ఇద్దరు అరెస్ట్
గన్నవరం టీడీపీ కార్యాలయంలో పనిచేసే సత్యవర్ధన్‌ను అపహరించిన కేసులో శుక్రవారం పటమట పోలీసులు మరో ఇద్దరిని అరెస్ట్ చేశారు. ఈ రోజు వంశీబాబు, గంటా వీర్రాజును అరెస్ట్ చేశారు. వంశీబాబు కారును పోలీసులు సీజ్ చేశారు. ఈ అరెస్టుతో సత్యవర్ధన్‌ను అపహరించిన కేసులో మొత్తంగా ఐదుగురిని పోలీసులు అరెస్ట్ చేశారు. వల్లభనేని వంశీతో పాటు లక్ష్మీపతి, రామకృష్ణ జైలులో ప్రస్తుతం రిమాండ్ ఖైదీలుగా ఉన్నారు.
News February 14, 2025
వల్లభనేని వంశీ అరెస్ట్.. ‘నానీ’లు సైలెంట్
వల్లభనేని వంశీ అరెస్ట్‌ను ఖండించడంలో మాజీ మంత్రులు కొడాలి నాని, పేర్ని నాని సైలెంట్ అయ్యారు. వీరిద్దరు సైలెంట్ అవ్వడం పట్ల రాజకీయ వర్గాల్లో చర్చ నడుస్తోంది. గత YCP ప్రభుత్వంలో మంత్రులుగా పని చేసిన కొడాలి, పేర్ని, జోగి రమేశ్‌తో పాటు వల్లభనేని వంశీ చంద్రబాబు, పవన్ కళ్యాణ్‌ని టార్గెట్ చేసి విమర్శలు చేశారు. కూటమి అధికారంలోకి వచ్చాక ఒకొక్కరిని టార్గెట్ చేస్తోంది. ఈ క్రమంలోనే వంశీ అరెస్ట్ అయ్యారు.