News November 2, 2024
రాష్ట్రస్థాయికి తాడిపత్రి విద్యార్థి అబ్బాస్ ఎంపిక
అనంతపురం జిల్లాస్థాయిలో జరిగిన సాఫ్ట్ బాల్ క్రీడా పోటీల్లో తాడిపత్రి విద్యార్థి అబ్బాస్ అత్యుత్తమ ప్రతిభ కనబరిచి రాష్ట్రస్థాయికి ఎంపికయ్యారు. అనంతపురంలోని ఆర్డీటీ స్టేడియంలో జరిగిన పోటీల్లో సెలక్టర్ల దృష్టిని ఆకర్షించాడు. 9న గుంటూరులో జరగనున్న రాష్ట్రస్థాయి పోటీల్లో పాల్గొననున్నట్లు పీఈటీ చంద్ర తెలిపారు. విద్యార్థి అబ్బాస్‌ను హెచ్ఎం ప్రసాద్, ఉపాధ్యాయ బృందం అభినందించారు.
Similar News
News December 8, 2024
సమష్టి కృషితో డ్రగ్స్ భూతాన్ని పారదోలుదాం: ఎస్పీ
సమష్టి కృషితో డ్రగ్స్ అనే భూతాన్ని సమాజం నుంచి పారదోలుదామని జిల్లా ఎస్పీ రత్న ఐపిఎస్ పేర్కొన్నారు. శనివారం ధర్మవరం బీఎస్ఆర్ బాలికల పాఠశాలలో నిర్వహించిన మెగా పేరెంట్స్ మీటింగ్‌కు ఎస్పీ ముఖ్యఅతిథిగా హాజరయ్యారు. విద్యార్థులను ఉద్దేశించి ఆమె మాట్లాడుతూ.. ప్రస్తుతం సమాజాన్ని విద్యార్థులను యువతను డ్రగ్స్ అనే భూతం పట్టి పీడిస్తోందని అందరి కృషితో సమాజం నుంచి పారదోలుదాం అన్నారు.
News December 7, 2024
‘13న రైతు సమస్యలపై భారీ ర్యాలీ నిర్వహిస్తున్నాం’
ఉమ్మడి అనంత జిల్లాలో రైతుల సమస్యలపై ఈనెల 13న ఉదయం 10 గంటలకు అనంతపురంలోని జడ్పీ కార్యాలయం వద్ద ఉన్న వైఎస్‌ఆర్‌ విగ్రహం నుంచి కలెక్టరేట్‌కు ర్యాలీగా బయలుదేరి జిల్లా కలెక్టర్‌కు వినతిపత్రం అందిస్తున్నట్లు కళ్యాణదుర్గం YCP ఇన్‌ఛార్జ్ తలారి రంగయ్య తెలిపారు. కార్యక్రమానికి నియోజకవర్గంలోని వైసీపీ నాయకులు, కార్యకర్తలు, రైతులను పాల్గొనాలని పిలుపునిచ్చారు.
News December 7, 2024
అనంతపురాన్ని రెండో రాజధానిగా ప్రకటించాలి: పోతుల నాగరాజు
రాయలసీమ అభివృద్ధి జరగాలంటే అనంతపురాన్ని రాష్ట్రానికి రెండో రాజధానిగా ప్రకటించాలని ఆర్‌పీఎస్ వ్యవస్థాపకుడు డా.పోతుల నాగరాజు డిమాండ్ చేశారు. శనివారం అనంతపురంలో ఆయన మాట్లాడారు. వెనుక బడిన ప్రాంతాలను అభివృద్ధి చేయాలనే చిత్తశుద్ధి కేంద్ర, రాష్ట్ర ప్రభుత్వాలకు ఉంటే వెంటనే ప్రత్యేక చర్యలు చేపట్టాలని అన్నారు. అందులో భాగంగా ఆంధ్రప్రదేశ్‌కు రెండో రాజధానిగా అనంతపురాన్ని ప్రకటించాలని సంచలన డిమాండ్ చేశారు.