News August 29, 2024
రాష్ట్రస్థాయి పోటీలకు 32 మంది విశాఖ క్రీడాకారులు
రాష్ట్రస్థాయి తైక్వాండో పోటీలకు ఉమ్మడి విశాఖ జిల్లా నుంచి 32 మంది ఎంపికయ్యారు. ఈనెల 31నుంచి తిరుపతిలో జరగ నున్న పోటీలకు వీరంతా జిల్లా నుంచి పాల్గొంటారని తైక్వాండో అసోసియేషన్ జిల్లా ఉపాధ్యక్షుడు పల్లం మురళి తెలిపారు. అదేవిధంగా ఉమెన్స్ లీగ్ పోటీలు కూడా అదే తేదీల్లో తిరుపతిలో జరగనున్నాయన్నారు. ఈనెల 27న గాజువాకలో జిల్లాస్థాయి కాడెట్ క్యొరుగి, పూమేసే పోటీల్లో పలువురు పతకాలు సాధించారన్నారు.
Similar News
News November 29, 2025
పారిశ్రామిక ప్రాంతాల్లో మౌలిక వసతులకు అధిక ప్రాధాన్యత ఇవ్వాలి: కలెక్టర్
పారిశ్రామిక ప్రాంతాల్లో మౌలిక వసతుల కల్పనకు అధిక ప్రాధాన్యత ఇవ్వాలని కలెక్టర్ ఎం.ఎన్.హరేంధిర ప్రసాద్ అధికారులను ఆదేశించారు. శనివారం ఉదయం కలెక్టరేట్ మీటింగు హాలులో అధికారులతో సమావేశం నిర్వహించారు. ఆటోనగర్, మధురవాడ ఇండస్ట్రియల్, ఐటీ పార్కుల్లో పని చేసే కార్మికుల సౌకర్యార్థం బస్టాప్‌లు ఏర్పాటు చేయాలని ఆదేశించారు.
News November 29, 2025
విశాఖ: ఇంటర్ విద్యార్థి ఆత్మహత్య
విశాఖలో ఓ ఇంటర్ విద్యార్థి ఆత్మహత్య చేసుకున్నాడు. భీమిలి మండలం దిబ్బడిపాలేనికి చెందిన చిన్మయ ఆనంద్‌ శుక్రవారం సాయంత్రం ఇంట్లో ఎవరూ లేని సమయంలో ఉరివేసుకున్నాడు. తల్లిదండ్రులు ఇంటికి వచ్చిచూసి CPR చేసి వెంటనే దగ్గర్లో ఉన్న ఆసుపత్రికి తరలించారు. అక్కడ చికిత్స పొందుతూ శనివారం ఉదయం మృతి చెందాడు. ఆత్మహత్యకు గల కారణాలు తెలియాల్సి ఉంది. హెడ్ కానిస్టేబుల్ అమర్ కేసు నమోదు చేసినట్లు చెప్పారు.
News November 29, 2025
విశాఖ: ‘ఉచిత శిక్షణ.. డిసెంబర్ 3లోగా దరఖాస్తు చేసుకోండి’
సివిల్ సర్వీసెస్ ప్రిలిమ్స్, మెయిన్స్ పరీక్షల ఉచిత శిక్షణకు డిసెంబరు 3వ తేదీ వరకు గడువు పొడిగించినట్టు సర్దార్ గౌతులచ్చన్న ఏపీ బీసీ స్టడీ సర్కిల్ డైరెక్టర్ కె.రాజేశ్వరి తెలిపారు. ప్రవేశ పరీక్ష కూడా డిసెంబరు 7కి వాయిదా వేసినట్టు పేర్కొన్నారు. విశాఖ జిల్లాకు చెందిన, ఏదైనా డిగ్రీ పూర్తిచేసిన ఎస్సీ, ఎస్టీ, బీసీ విద్యార్థుల నేరుగా ఎంవీపీ కాలనీ 6వ సెక్టార్లోని కార్యాలయంలో తమ దరఖాస్తులు అందజేయాలన్నారు.