News August 24, 2024
రిపోర్టర్కు శ్రీకాళహస్తి MLA బెదిరింపులు..?
ఏర్పేడు మండలంలో ట్రాక్టర్ ఇసుకకు రూ.500 అక్రమంగా వసూళ్లు చేస్తున్నట్లు ఆరోపణలు ఉన్నాయి. దీనిపై ఓ ప్రముఖ పత్రికలో వార్త రాగా సదరు రిపోర్టర్కు శ్రీకాళహస్తి ఎమ్మెల్యే బొజ్జల సుధీర్ రెడ్డి తన పీఏలతో ఫోన్ చేయించారు. ‘నా గురించి వ్యతిరేకంగా వార్తలు రాస్తే తాట తీస్తా. వైసీపీ పాలనలో ఇవి కనపడలేదా? ఇకపై వ్యతిరేక వార్త వస్తే నీ కథ ముగిసినట్లే’ అని వార్నింగ్ ఇచ్చినట్లు తెలుస్తోంది.
Similar News
News September 8, 2024
చిత్తూరులో ఉరి వేసుకుని వ్యక్తి సూసైడ్
మానసిక స్థితి బాగోలేక ఓ వ్యక్తి చెట్టుకు ఉరి వేసుకొని మృతి చెందిన ఘటనపై కేసు నమోదు చేసి దర్యాప్తు చేస్తున్నట్లు చిత్తూరు టూ టౌన్ సీఐ నెట్టి కంటయ్య తెలిపారు. శరవణ పురానికి చెందిన శంకర్ పిలై (68) కొంతకాలంగా పాగాయం మెంటల్ హాస్పిటల్లో ట్రీట్మెంట్ తీసుకున్నారు. ఆదివారం గిరింపేట గాయత్రి చిల్డ్రన్స్ పార్క్ వద్ద చెట్టుకు ఉరివేసుకొని మృతి చెందినట్లు సీఐ తెలిపారు.
News September 8, 2024
చిత్తూరు: జపాన్లో ఉద్యోగావకాశాలు
జపాన్ దేశంలో నర్సులుగా పనిచేయడానికి ఆసక్తి ఉన్న అభ్యర్థులు దరఖాస్తు చేసుకోవాలని చిత్తూరు జిల్లా నైపుణ్యాభివృద్ధి సంస్థ అధికారి గుణశేఖర్ రెడ్డి కోరారు. బెంగళూరులో జపాన్ భాషపై శిక్షణ ఇచ్చి ఉద్యోగ అవకాశాలు కల్పిస్తామన్నారు. జీతం రూ.1.10 లక్షల నుంచి రూ.1.40 లక్షల వరకు ఉంటుందన్నారు. ఇతర వివరాలకు 99888 53335లో సంప్రదించాలని కోరారు.
News September 8, 2024
తిరుపతి మహిళా వర్సిటీ ఫలితాల విడుదల
తిరుపతి శ్రీపద్మావతి మహిళ యూనివర్సిటీలో జూన్లో బీటెక్(B.Tech) మొదటి సంవత్సరం రెండో సెమిస్టర్ పరీక్షలు జరిగాయి. ఈ ఫలితాలు విడుదలైనట్లు యూనివర్సిటీ కార్యాలయం ఓ ప్రకటనలో పేర్కొంది. ఫలితాలను www.spmvv.ac.in ద్వారా తెలుసుకోవచ్చు.