News January 30, 2026

రుద్రూర్: తల్లి చనిపోయిందని కుమారుడి ఆత్మహత్య

రుద్రూర్ మండలం రాయకూరుకు చెందిన దర్జీ శ్రీకాంత్(26) తల్లి చనిపోయిందని మనోవేదనతో గ్రామ శివారులోని చెరువులో దూకి ఆత్మహత్య చేసుకున్నట్లు ఎస్సై సాయిలు తెలిపారు. నెల రోజుల క్రితం శ్రీకాంత్ తల్లి అనారోగ్యంతో మృతి చెందడంతో అప్పటి నుంచి మనస్థాపానికి గురైనట్లు చెప్పారు. ఈ నెల 27న చెరువులో దూకి ఆత్మహత్యకు పాల్పడినట్లు పేర్కొన్నారు. శుక్రవారం స్థానికులు మృతదేహాన్ని గుర్తించి పోలీసులకు సమాచారం ఇచ్చారు.