News July 1, 2024
‘రేపటి కోసం’ అంటూ HYD సిటీ పోలీసుల పోస్ట్
హైదరాబాద్‌ సిటీ పోలీసులు ట్రాఫిక్ నిబంధనలపై వినూత్నంగా అవగాహన కల్పిస్తూనే ఉన్నారు. ఇటీవల రాంగ్‌ రూట్‌లో వెళ్లే వారిని అప్రమత్తం చేసిన పోలీసులు.. తాజాగా సోషల్ మీడియాలో ట్రెండింగ్ పోస్ట్ పెట్టారు. జనంలో ఆదరణ పొందిన కల్కి సినిమాలోని నినాదాన్ని ఎంచుకున్నారు. ‘హెల్మెట్ ధరించండి. సురక్షితంగా డ్రైవ్ చేయండి. రేపటి కోసం’ అంటూ హ్యాష్‌ట్యాగ్ ఇచ్చారు. ట్రాఫిక్ రూల్స్ పాటించాలని సూచించారు.
SHARE IT
Similar News
News July 10, 2025
ఓయూ లా కోర్సుల పరీక్షా తేదీల ఖరారు
ఓయూ పరిధిలోని లా కోర్సుల పరీక్షా తేదీలను ఖరారు చేసినట్లు అధికారులు తెలిపారు. మూడేళ్ల LLB, మూడేళ్ల LLB ఆనర్స్ ఆరో సెమిస్టర్ రెగ్యులర్, అన్ని సెమిస్టర్ల బ్యాక్లాగ్, ఐదేళ్ల BA LLB, ఐదేళ్ల BBA LLB, ఐదేళ్ల BCom LLB 2, 6, 8, 10వ సెమిస్టర్ రెగ్యులర్, అన్ని సెమిస్టర్ల బ్యాక్లాగ్, పరీక్షలను ఈ నెల 22వ తేదీ నుంచి నిర్వహించనున్నట్లు ప్రకటించారు.
News July 10, 2025
బీపీఈడీ, డీపీఈడీ పరీక్ష ఫీజు స్వీకరణ
ఓయూ పరిధిలోని బీపీఈడీ, డీపీఈడీ పరీక్షా ఫీజును స్వీకరించనున్నట్లు అధికారులు తెలిపారు. బీపీఈడీ, డీపీఈడీ 2, 4వ సెమిస్టర్ రెగ్యులర్, అన్ని సెమిస్టర్ల బ్యాక్లాగ్, ఇంప్రూవ్‌మెంట్ పరీక్షా ఫీజును ఈ నెల 24లోగా సంబంధిత కళాశాలలో చెల్లించాలని చెప్పారు. రూ.200 లేట్ ఫీతో ఈ నెల 29వ తేదీ వరకు చెల్లించవచ్చన్నారు. ఈ పరీక్షలను వచ్చే నెలలోనే నిర్వహించనున్నట్లు పేర్కొన్నారు.
News July 10, 2025
సికింద్రాబాద్: 2,500 మంది పోలీసులతో బందోబస్తు
ఆదివారం ఉజ్జయిని మహాకాళి బోనాల జాతరకు 2,500 మంది పోలీసులతో బందోబస్తు ఏర్పాటు చేయనున్నట్లు నార్త్ జోన్ DCP రష్మీ పెరుమాళ్ వెల్లడించారు. ఆలయ ఆవరణలో ఈ రోజు జాతర కోఆర్డినేషన్ కమిటీ సమావేశం జరిగింది. భక్తుల సందర్శనకు 6 క్యూ లైన్లు ఏర్పాటు చేస్తున్నట్లు తెలిపారు. జాతర రోజు మ.1 నుంచి 3 గంటల మధ్య శివసత్తులకు ప్రత్యేక దర్శనం ఉంటుందన్నారు. దివ్యాంగులు, సీనియర్ సిటిజన్స్‌కు ప్రత్యేక క్యూలైన్లు ఉంటాయన్నారు.