News November 21, 2024
రేపటి నుంచి శ్రీశైలంలో ఉచిత బస్సు సదుపాయం
శ్రీశైల క్షేత్రంలో శుక్రవారం నుంచి భక్తులకు ఉచిత బస్సు సదుపాయం కల్పిస్తున్నట్లు దేవస్థానం ఈవో చంద్రశేఖర ఆజాద్ గురువారం తెలిపారు. శుక్రవారం నుంచి సోమవారం వరకు క్షేత్రంలో భక్తుల రద్దీ నేపథ్యంలో ఈ నిర్ణయం తీసుకున్నట్లు పేర్కొన్నారు. గణేశ్ సదన్ నుంచి క్యూ కాంప్లెక్స్ వరకు ప్రతి అరగంటకు బస్సులను భక్తులకు అందుబాటులో ఉంచనున్నట్లు తెలిపారు.
Similar News
News December 7, 2024
కర్నూలు జిల్లాలో ‘నో డ్రగ్స్ బ్రో’ క్యాంపెయిన్
కర్నూలు జిల్లా వ్యాప్తంగా అన్ని పాఠశాలల్లో శుక్రవారం ఎస్పీ జి.బిందు మాధవ్ ఆదేశాల మేరకు సీఎం చంద్రబాబు, డిప్యూటీ సీఎం పవన్ కళ్యాణ్, మంత్రి లోకేశ్, హోంమంత్రి అనిత స్ఫూర్తితో ‘నో డ్రగ్స్ బ్రో’ కార్యక్రమం నిర్వహించారు. ఇందులో భాగంగా ఆదోని మండలం దొడ్డనకేరి మోడల్ ప్రైమరీ స్కూల్లో ఓ దివ్యాంగ విద్యార్థి తన తల్లిదండ్రులతో కలిసి డ్రగ్స్ నిర్మూలనపై ప్లకార్డుతో అవగాహన కల్పించారు.
News December 7, 2024
కర్నూలు జిల్లా క్రైం న్యూస్
☛ దేవనకొండ మండలంలో బాలికపై అత్యాచారయత్నం.. గ్రామంలో ఉద్రిక్తత
☛ కర్నూలు పద్మావతినగర్‌లో బాలయ్య (63) అనే వృద్ధుడి ఆత్మహత్య
☛ ఓర్వకల్లు కస్తూర్బాలో ఇద్దరు విద్యార్థినులకు తేలు కాటు.. అస్వస్థత
☛ కర్నూలు బళ్లారి చౌరస్తాలో ప్రమాదం.. అచ్చెన్న అనే వ్యక్తి మృతి
☛ నంద్యాల: మహిళల పట్ల అసభ్య ప్రవర్తన.. వెంకటేశ్ అనే వ్యక్తికి 10 రోజుల జైలు శిక్ష
☛ ప్యాపిలి వద్ద బైక్ అదుపుతప్పి 20ఏళ్ల రాజు అనే యువకుడి మృతి
News December 7, 2024
కుమార్తె పెళ్లి రండి.. ప్రధానికి మంత్రి భరత్ ఆహ్వానం
మంత్రి టీజీ భరత్ ప్రధాని మోదీని కలిశారు. ఢిల్లీలో మర్యాదపూర్వకంగా కలిసి కాసేపు చర్చించారు. ఈ సందర్భంగా గతంలో ఒక కమిటీకి ఛైర్మన్‌గా నాన్న టీజీ వెంకటేశ్ చేసిన కృషిని ఆయన గుర్తు చేసుకోవడం తనకు ఆనందాన్ని ఇచ్చిందని మంత్రి తెలిపారు. అనంతరం తన కుమార్తె శ్రీ ఆర్యపాన్య వివాహానికి రావాలని పెళ్లి పత్రిక అందజేశారు. నూతన వధూవరులను ఆశీర్వదించాలని కోరారు. కాగా ఈ నెల 26న హైదరాబాద్‌లో వారి పెళ్లి జరగనుంది.