News August 12, 2024
రేపు ఒంగోలులో మెగా జాబ్ మేళా
ఒంగోలులోని జిల్లా ఉపాధి కార్యాలయంలో ఈనెల 13వ తేదీ ఉదయం 10 గంటల నుంచి మధ్యాహ్నం 3 గంటల వరకు జాబ్ మేళా నిర్వహిస్తున్నట్లు, జిల్లా ఉపాధి కార్యాలయ అధికారి టి భరద్వాజ్ ఆదివారం తెలిపారు. ఈ జాబ్ మేళాలో పలు కంపెనీలు పాల్గొంటాయన్నారు. ఐటీఐ డిప్లొమా, పదో తరగతి, ఇంటర్మీడియట్, ఏదైనా డిగ్రీ చదువులు పూర్తి చేసిన అభ్యర్థులు ఇంటర్వ్యూలకు హాజరు కావాలన్నారు.
Similar News
News November 30, 2025
ప్రకాశం జిల్లాలో ఆ 14 మండలాలపై దిత్వా తుఫాన్ ప్రభావం
ప్రకాశం జిల్లాలోని 14 మండలాలు, 168 గ్రామాల్లో దిత్వా తుఫాను ప్రభావం ఉండే అవకాశం ఉందని జిల్లా కలెక్టర్ రాజాబాబు అన్నారు. ఒంగోలులోని కలెక్టర్ కార్యాలయం నుంచి ఆదివారం మండల స్థాయి అధికారులతో కలెక్టర్ టెలికాన్ఫరెన్స్ నిర్వహించారు. తుఫాను హెచ్చరిక నేపథ్యంలో అధికారులందరూ ముందస్తు జాగ్రత్త చర్యలు తీసుకోవాలన్నారు. జిల్లాలోని చెరువుల వద్ద క్షేత్రస్థాయి సిబ్బంది పరిస్థితిని గమనించాలన్నారు.
News November 30, 2025
ప్రకాశం: సెల్‌ఫోన్ మాట్లాడుతూ డ్రైవింగ్ వద్దు..!
సెల్‌ఫోన్ చూస్తూ, మాట్లాడుతూ.. డ్రైవింగ్ చేస్తే, ప్రమాదాలను ఆహ్వానించినట్లేనని ప్రకాశం పోలీసులు వాహనదారులకు సూచించారు. ప్రమాదాల నివారణ, సైబర్ నేరాలపై విస్తృత అవగాహన కల్పిస్తున్నామని చెప్పారు. మద్యం మత్తులో వాహనాలు నడిపి ప్రమాదాల బారిన పడవద్దని కోరారు. వాహనదారులు రోడ్డు భద్రతా నియమాలు పాటించాలని సూచించారు.
News November 30, 2025
ఒంగోలులో రేపటి గ్రీవెన్స్ డే రద్దు
తుఫాన్ దృష్ట్యా ఒంగోలు కలెక్టరేట్‌లో సోమవారం నిర్వహించాల్సిన ప్రజా సమస్యల పరిష్కార వేదిక(గ్రీవెన్స్ డే)ను రద్దు చేశారు. ఈ మేరకు కలెక్టర్ పి.రాజాబాబు ఆదివారం ఓ ప్రకటన విడుదల చేశారు. ప్రజలు ఈ విషయాన్ని గమనించి ఎవరూ ఒంగోలుకు రావద్దని కోరారు.