News April 13, 2025
రేపు నిర్మల్‌లో అంబేడ్కర్ జయంతి వేడుకలు
భారత రాజ్యాంగ రూపకర్త డాక్టర్ బీఆర్ అంబేడ్కర్ జయంతి వేడుకలు సోమవారం నిర్మల్ జిల్లాకేంద్రంలో అధికారికంగా నిర్వహించనున్నారు. ఇందుకు సంబంధించిన అన్ని ఏర్పాట్లను అధికారులు పూర్తిచేశారు. ఉదయం 9.30కి మినీ ట్యాంక్ బండ్ సమీపంలోని అంబేడ్కర్ విగ్రహానికి నివాళులర్పిస్తారు. అనంతరం అంబేడ్కర్ భవనంలో సభ కొనసాగనుంది. కార్యక్రమాలకు జిల్లా కలెక్టర్ అభిలాష అభినవ్, అధికారులు హాజరు కానున్నారు.
Similar News
News November 30, 2025
వేమూరు: 5 ఆర్ఓబీలు నిర్మాణ ప్రతిపాదనలపై అధికారుల పరిశీలన
వేమూరు నియోజకవర్గంలో రైల్వే ఓవర్ బ్రిడ్జ్‌లు ఏర్పాటుకు శ్రీకారంచుడుతున్న నేపథ్యంలో అధికారులు సంయుక్తంగా శనివారం నిర్మాణ ప్రాంతాలను పరిశీలించారు. మొత్తం ఐదు ఆర్ఓబీలులు మంజూరుకు చర్యలు చేపడుతున్నారు. అందులో భాగంగా శనివారం అధికారులు చుండూరు మండలం మోదుకూరులో పర్యటించి బ్రిడ్జి నిర్మాణ ప్రాంతాలను తనిఖీ చేశారు. రైల్వే ఓవర్ బ్రిడ్జిలు నిర్మిస్తే ట్రాఫిక్ సమస్య తగ్గుతుందని వారు తెలిపారు.
News November 30, 2025
శ్రీకాకుళం: ’65 హాట్‌స్పాట్‌ల వద్ద సీసీ కెమెరాలను ఏర్పాటు చేయాలి’
శ్రీకాకుళం జిల్లాలో గంజాయి వినియోగం, అక్రమ రవాణాను సమూలంగా అరికట్టేందుకు అధికారులు గుర్తించిన 65 హాట్‌స్పాట్‌ల వద్ద సీసీ కెమెరాలను తక్షణమే ఏర్పాటు చేయాలని జిల్లా కలెక్టర్ స్వప్నిల్ దినకర్ పుండ్కర్ అధికారులను ఆదేశించారు. శనివారం కలెక్టరేట్‌‌లో జిల్లా నార్కోటిక్స్ కోఆర్డినేషన్ కమిటీ సమవేశం నిర్వహించారు. కెమెరాల ఏర్పాటు బాధ్యతను స్థానిక సంస్థలు తీసుకోవాలని చెప్పారు.
News November 30, 2025
వయ్యారిభామ వల్ల మన ఆరోగ్యానికి కలిగే నష్టం ఏమిటి?
వయ్యారిభామ మొక్కల పుప్పొడి గాలి ద్వారా ప్రయాణించి శ్వాస తీసుకునేటప్పుడు మనుషుల శరీరంలోకి ప్రవేశిస్తుంది. దీని వల్ల మనలో డెర్మటైటిస్, ఎగ్జిమా, ఉబ్బసం, తీవ్ర జ్వరం, బ్రాంకైటిస్ లాంటి వ్యాధులు వస్తాయి. పొలాల్లో తిరుగుతూ దీని పుప్పొడిని పీలిస్తే కళ్లు ఎర్రబడటం, కళ్లు వాయడం.. ఎండిపోయిన వయ్యారిభామ మొక్కలను తగలబెట్టినప్పుడు ఆ పొగను పీలిస్తే శ్వాసకోశ వ్యాధులు వచ్చే అవకాశం ఉంది.