News April 19, 2024

రేషన్ ఈ-కేవైసీకి మరో అవకాశం

ఆహార భద్రతా కార్డుల ఈ-కేవైసీ నమోదుకు ప్రభుత్వం మరో అవకాశమిచ్చింది. ఫిబ్రవరి 29తో గడువు ముగిసినా రేషన్ దుకాణాల్లో ప్రభుత్వ సూచనలతో ఈ ప్రక్రియ కొనసాగుతుంది. ఉమ్మడి మెదక్ జిల్లాలో మొత్తం లబ్ధిదారుల్లో 70శాతం మాత్రమే నమోదు చేసుకున్నారు. జిల్లా వ్యాప్తంగా మొత్తం 2,13,855 రేషన్ కార్డులుండగా, 6,85,910మంది రేషన్ లబ్ధిదారులున్నారు. ఇంకా పలు కారణాలతో 2,05,084మంది ఈ-కేవైసీ చేయించుకోలేదని అధికారులు తెలిపారు.