News March 24, 2024
రైలు కింద పడబోయిన మహిళ.. కాపాడిన పోలీసులు
కుటుంబ కలహాల కారణంగా కుమారుడితో కలిసి రైలు కింద పడబోయిన మహిళను రైల్వే పోలీసులు కాపాడారు. పోలీసుల వివరాల ప్రకారం.. కాకినాడ జిల్లా తునిలోని ఓ కాలనీకి చెందిన మహిళ.. తన 4ఏళ్ల కుమారుడిని తీసుకెళ్లి రైలు పట్టాలపై నిలబడింది. కానిస్టేబుల్స్ శ్రీనివాస్‌, మోహనరావు గమనించి వారిని రక్షించారు. పోలీస్‌స్టేషన్‌కు తీసుకువెళ్లి.. భర్తను పిలిపించి కౌన్సెలింగ్‌ ఇచ్చారు. అనంతరం ఇంటికి పంపినట్లు ఎస్సై తెలిపారు.
Similar News
News November 17, 2024
తుని – అన్నవరం మధ్య ఎయిర్ పోర్ట్
రాష్ట్రంలో ఆరు విమానాశ్రయాలను అభివృద్ధి చేసేందుకు ప్రభుత్వం ఉత్తర్వులు జారీ చేయగా, అందులో తుని- అన్నవరం ఒకటి. ఈ గ్రీన్ ఫీల్డ్ విమానాశ్రయం కోసం ఆ ప్రాంతాల మధ్య 787 ఎకరాలను గుర్తించింది. పారిశ్రామిక , వ్యాపార , పర్యాటకం ఇలా అంశాలను దృష్టిలో ఉంచుకుని ఇక్కడ ఏర్పాటు చేయాలని నిర్ణయించినట్లు సమాచారం. ఈ ప్రాంతం జిల్లాలోని అందరికీ అనుకూలంగా ఉంటుందని భావించినట్లు తెలుస్తోంది.
News November 17, 2024
తూ.గో జిల్లా బాలికపై అత్యాచారం
చాగల్లుకు చెందిన బాలిక(14)పై వరుసకు మేనమామ అయిన కమల్(22) అత్యాచారం చేశాడు. పోలీసుల కథనం..బాలిక సమిశ్రగూడెం ఎస్సీ వెల్ఫేర్ హాస్టళ్లో చదువుకుంటోంది. ఆధార్‌లో మార్పులు చేయడానికి తాడేపల్లిగూడెం వాసి కమల్‌ను బాలిక అమ్మమ్మ పంపింది. అతను తీసుకొచ్చి అత్యాచారం చేసి వాళ్ల ఇంట్లో అప్పగించాడు. బాలిక ఇంట్లో విషయం చెప్పగా తండ్రి పోలీసులకు ఫిర్యాదు చేశారు. దీనిపై పోక్సో కేసు నమోదు చేసినట్లు ఎస్సై తెలిపారు.
News November 16, 2024
కోటనందూరులో యువతి అదృశ్యంపై కేసు నమోదు
కోటనందూరు పోలీస్ స్టేషన్ పరిధిలోని యువతి అదృశ్యంపై కేసు నమోదు చేసినట్లు ఎస్సై రామకృష్ణ తెలిపారు. ఎస్సై తెలిపిన వివరాలు ప్రకారం..తుని మండలం ఎన్ ఎస్ వెంకటనగరం చెందిన విమల (22) అనే యువతి శుక్రవారం ఉదయం నుంచి కనిపించడం లేదని తండ్రి సింహాచలం ఫిర్యాదు చేశారన్నారు. యువతి ప్రతిరోజు కోటనందూరులో టైలరింగ్ శిక్షణ నేర్చుకునేందుకు వస్తుందని ఫిర్యాదులో పేర్కొన్నారు. వివరాల తెలిస్తే తమను సంప్రదించాలన్నారు.