News July 4, 2024
రైల్వే రాయితీని పునరుద్ధరించాలి: ఎంపీ కలిశెట్టి

కోవిడ్ సమయంలో జర్నలిస్టులకు రద్దు చేసిన రైల్వే రాయితీని పునరుద్ధరించాలని రైల్వే శాఖ మంత్రి అశ్విని వైష్ణవ్ను విజయనగరం ఎంపీ కలిశెట్టి అప్పలనాయుడు కోరారు. ఈ మేరకు బుధవారం సాయంత్రం ఢిల్లీలో సమస్యలపై వినతిపత్రం అందజేశారు. సీనియర్ సిటిజన్లకు రైల్ టికెట్ ఛార్జీలలో రాయితీని పెంచాలని.. అలాగే వికలాంగులకు రాయితిని అందించే సౌకర్యాలు పెంచాలన్నారు.
Similar News
News November 30, 2025
టెక్కలి: ఒకేరోజు ఏడుగురికి అస్వస్థత.. ఒకరు మృతి

టెక్కలి జిల్లా ఆసుపత్రిలో ఆదివారం సంతబొమ్మాళి మండలం తాళ్లవలస గ్రామానికి చెందిన ఏడుగురు డయేరియా లక్షణాలతో చేరారు. వీరిలో గ్రామానికి చెందిన మార్పు చిన్నారావు(65) ఆదివారం మధ్యాహ్నం చికిత్స పొందుతూ మృతిచెందారు. మిగతా వారికి చికిత్స అందిస్తున్నారు. మరింత సమాచారం తెలియాల్సి ఉంది.
News November 30, 2025
నరసన్నపేట ఏరియా హాస్పిటల్లో అరుదైన దంత శస్త్ర చికిత్స

నరసన్నపేట ఏరియా హాస్పిటల్లో దంత వైద్య నిపుణుడు బలగ రమేశ్ నాయుడు శనివారం అరుదైన దంత శస్త్ర చికిత్స విజయవంతంగా నిర్వహించారు. నరసన్నపేట మండలం జమ్మూ గ్రామానికి చెందిన పొన్నాడ గోవిందా రావు ఇటీవల రోడ్డు ప్రమాదంలో గాయపడ్డాడు. ఈ ప్రమాదంలో అతని పై దవడ వద్ద దంతాలు ఊడిపోగా హాస్పిటల్కు వచ్చారని అన్నారు. దీనికి సంబంధించిన శస్త్ర చికిత్సను సహాయకురాలు సత్య సాయి సహకారంతో విజయవంతంగా పూర్తి చేశామని పేర్కొన్నారు.
News November 30, 2025
శ్రీకాకుళం: ’65 హాట్స్పాట్ల వద్ద సీసీ కెమెరాలను ఏర్పాటు చేయాలి’

శ్రీకాకుళం జిల్లాలో గంజాయి వినియోగం, అక్రమ రవాణాను సమూలంగా అరికట్టేందుకు అధికారులు గుర్తించిన 65 హాట్స్పాట్ల వద్ద సీసీ కెమెరాలను తక్షణమే ఏర్పాటు చేయాలని జిల్లా కలెక్టర్ స్వప్నిల్ దినకర్ పుండ్కర్ అధికారులను ఆదేశించారు. శనివారం కలెక్టరేట్లో జిల్లా నార్కోటిక్స్ కోఆర్డినేషన్ కమిటీ సమవేశం నిర్వహించారు. కెమెరాల ఏర్పాటు బాధ్యతను స్థానిక సంస్థలు తీసుకోవాలని చెప్పారు.


