News March 25, 2024
లవ్ మ్యారేజ్.. మరో ఎఫైర్ పెట్టుకొని భార్యకు వేధింపులు
భార్యను శారీరకంగా, మానసికంగా వేధిస్తున్న భర్తపై ఉండి పోలీస్ స్టేషన్‌లో కేసు నమోదైంది. పోలీసుల వివరాల ప్రకారం.. ఉండికి చెందిన సూరిబాబు, జ్యోతి 2011లో ప్రేమ పెళ్లి చేసుకున్నారు. కొద్దిరోజులుగా చెడు వ్యసనాలకు బానిసైన సూరిబాబు.. మరో మహిళతో వివాహేతర సంబంధం పెట్టుకున్నాడు. అప్పటి నుంచి తనను వేధిస్తున్నాడని భార్య ఆదివారం ఉండి పోలీసులకు ఫిర్యాదు చేయగా.. ఈ మేరకు కేసు దర్యాప్తు చేస్తున్నట్లు తెలిపారు.
Similar News
News October 2, 2024
నల్లజర్ల: జీవో ఇచ్చి మరీ మోసం చేశారు: ప్రసాద్
రాజమండ్రి ఎంపీ పురందీశ్వరితో పారామెడికల్ కాంట్రాక్టు ఉద్యోగులు బుధవారం నల్లజర్లలో సమావేశమయ్యారు. ఈ సందర్భంగా సంఘ నాయకులు ప్రసాద్ మాట్లాడుతూ.. గత ప్రభుత్వం తమ వేతనాల విషయంలో జీవో ఇచ్చి మరీ మోసం చేసిందని ఆవేదన వ్యక్తం చేశారు. ఉద్యోగుల కుటుంబ పోషణ భారంగా ఉందన్నారు. న్యాయం చేయాలని ఎంపీకి వినతి పత్రం అందజేశారు. సానుకూలంగా స్పందించిన ఎంపీ సమస్యలు పరిష్కరిస్తామని హామీ ఇచ్చారని ఆయన తెలిపారు.
News October 2, 2024
భీమవరంలో వ్యభిచార గృహంపై పోలీసుల దాడులు
భీమవరం మండలం కొవ్వాడపుంతలో వ్యభిచార గృహంపై దాడి చేసినట్లు సీఐ బి.శ్రీనివాసరావు మంగళవారం తెలిపారు. ఈ ఘటనలో మహిళను అదుపులోకి తీసుకుని ఆమెను విజయవాడ ఉజ్వల గృహానికి తరలించామన్నారు. అలాగే వ్యభిచార గృహాన్ని నిర్వహిస్తున్న భార్యాభర్తలను కోర్టులో హాజరు పరిచి అనంతరం తణుకు సబ్ జైలుకు తరలించినట్లు తెలిపారు.
News October 2, 2024
ద్వారకాతిరుమలలో నేడు ఎంపీ పురందీశ్వరి పర్యటన
రాజమండ్రి ఎంపీ దగ్గుపాటి పురందీశ్వరి, గోపాలపురం ఎమ్మెల్యే మద్దిపాటి వెంకటరాజు బుధవారం (నేడు) ద్వారకాతిరుమల మండలంలో పర్యటించనున్నట్లు క్యాంపు కార్యాలయవర్గ ప్రతినిధులు తెలిపారు. ఈ సందర్భంగా ఉదయం 9 గంటలకు శ్రీవారి సన్నిధిలో ప్రత్యేక పూజలు చేస్తారని అన్నారు. అనంతరం గ్రామంలో పలు అభివృద్ధి పనులకు శంకుస్థాపన చేస్తారని తెలిపారు. అలాగే మండల పరిషత్ అభివృద్ధిపై నిర్వహించే సమావేశంలో పాల్గొంటారని అన్నారు.