News February 26, 2025
లింగంపాలెం: ప్రమాదంలో డ్రైవర్ మృతి

లింగంపాలెం మండలం ధర్మాజీగూడెం గ్రామంలో ఉన్న ఫ్యాక్టరీలో మంగళవారం రాత్రి దారుణం చోటుచేసుకుంది. వివరాల్లోకి వెళితే ట్రాక్టర్ డ్రైవర్ రాత్రి సమయంలో ట్రాక్టర్ కింద నిద్రించాడు. పక్కనే ఉన్న లారీ డ్రైవర్ లారీ రివర్స్ చేసే క్రమంలో ట్రాక్టర్ ను ఢీకొనగా.. ట్రాక్టర్ ముందుకు జరిగింది. దీంతో ట్రాక్టర్ కింద పడుకున్న వ్యక్తి పై నుండి వెళ్లడంతో అక్కడికక్కడే మరణించాడు. మృతుని వివరాలు తెలియాల్సి ఉంది.
Similar News
News November 29, 2025
జగిత్యాల జిల్లా బీఆర్ఎస్ కార్యాలయంలో దీక్ష దివాస్

జగిత్యాల జిల్లా కేంద్రంలోని బీఆర్ఎస్ పార్టీ కార్యాలయంలో శనివారం దీక్ష దివాస్ నిర్వహించారు. ఈ సందర్భంగా తెలంగాణ తల్లి విగ్రహానికి పూలమాల వేసి నివాళులర్పించి, కేసీఆర్ చిత్రపటానికి క్షీరాభిషేకం చేసారు. ఈ కార్యక్రమంలో జిల్లా బీఆర్ఎస్ పార్టీ అధ్యక్షులు, మాజీ ఎమ్మెల్యే కల్వకుంట్ల విద్యాసాగర్ రావు, ఎమ్మెల్యే కల్వకుంట్ల సంజయ్, మాజీ జడ్పీ ఛైర్పర్సన్ దావ వసంత, రాజేశం గౌడ్, శ్రీకాంత్ రెడ్డి తదితరులున్నారు.
News November 29, 2025
లేటెస్ట్ అప్డేట్స్

* డిసెంబర్ 15న రవీంద్రభారతిలో గాయకుడు ఎస్పీ బాలసుబ్రహ్మణ్యం విగ్రహావిష్కరణకు సీఎం రేవంత్ను ఆహ్వానించిన నటుడు శుభలేఖ సుధాకర్
* తెలంగాణ పోలీస్ హౌజింగ్ ఇన్ఫ్రాస్ట్రక్చర్ టెక్నాలజీ కార్పొరేషన్ ఇకపై తెలంగాణ పోలీసు హౌజింగ్ ఇన్ఫ్రాటెక్ అండ్ కన్సల్టెన్సీ సర్వీసెస్ కార్పొరేషన్(TGPICS)గా మార్పు.. ఎండీగా రమేశ్
* ఢిల్లీ పేలుడు కేసులో నిందితులకు ముగిసిన విచారణ.. 10 రోజుల పాటు విచారించిన NIA
News November 29, 2025
సర్పంచ్ అభ్యర్ధులు ప్రచారాలకు అనుమతి తీసుకోవాలి: జనగామ కలెక్టర్

స్థానిక సంస్థల ఎన్నికల్లో పోటీ చేసే అభ్యర్థులు ప్రచారాలను నిర్వహించుకోవడానికి, ర్యాలీలకు పబ్లిక్ మీటింగ్లకు, మైకుల అనుమతి కోసం తహశీల్దార్కు దరఖాస్థులు చేసుకోవాలని కలెక్టర్ రిజ్వాన్ భాషా షేక్ తెలిపారు. అనుమతి కోరితే తహశీల్దార్ స్థానిక పోలీస్ స్టేషన్ ద్వారా అనుమతి ఇస్తారని అన్నారు. పోలింగ్ పరి సమాప్తం కావడానికి 44 గంటల ముందు బహిరంగ సభలు, ప్రచారాలకు, ర్యాలీలకు నిషేధం అన్నారు.


